ஐ.பி.எல் போட்டி - சென்னையில் பேருந்து சலுகைக்கு அனுமதி இல்லை.!
concession bus travel not allowed in chennai for ipl
17 வது ஐபிஎல் கிரிக்கெட் தொடரில் நாளை நடைபெறவுள்ள பிளேஆப் சுற்றின் குவாலிபயர் 2 போட்டியில் ராஜஸ்தான் - ஐதராபாத் அணிகள் போட்டியிடுகின்றன. இந்தப் போட்டியில் வெற்றி பெறும் அணி, 26ம் தேதி இறுதிப்போட்டியில் கொல்கத்தா நைட் ரைடர்ஸ் அணியுடன் மோதும்.
இந்த நிலையில், சென்னை மாநகரப் பேருந்துகளில் சலுகை பயணத்துக்கு அனுமதி இல்லை என்று போக்குவரத்துக்கழகம் அறிவித்துள்ளது. இது தொடர்பாக மாநகர போக்குவரத்துக்கழகம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:-
நடப்பு ஐபிஎல் சீசனின் குவாலிபயர் 2 மற்றும் இறுதிப்போட்டி வரும் 24 மற்றும் 26 ஆகிய தேதிகளில் சென்னை சேப்பாக்கம், எம்.ஏ. சிதம்பரம் மைதானத்தில் நடைபெறவுள்ளது. முந்தைய கிரிக்கெட் போட்டிகளில் சம்பந்தப்பட்ட போட்டிக்கான நுழைவுச்சீட்டு வைத்திருந்தால் அதை காண்பித்து மாநகர பேருந்துகளில் கட்டணமில்லாமல் பயணிக்கலாம் என்று அறிவிக்கப்பட்டிருந்தது.
ஆனால், வரும் 24, 26 தேதிகளில் நடைபெறும் கிரிக்கெட் போட்டிகளுக்கு மாநகர பேருந்துகளில் சலுகை பயணம் அனுமதியில்லை. எனவே, போட்டிக்குச் செல்வோர் பயணச்சீட்டு பெற்று பயணிக்குமாறு கேட்டுக் கொள்ளப்படுகிறார்கள்" என்றுத் தெரிவிக்கப்பட்டுள்ளது.
English Summary
concession bus travel not allowed in chennai for ipl