மழைநீர் ஒழுகிய அரசு விரைவு போக்குவரத்து கழக பேருந்து... நஷ்டஈடு வழங்க நீதிமன்றம் உத்தரவு.!

தூத்துக்குடியில் இருந்து சென்னை செல்வதற்காக வக்கீல் சோமசுந்தரம் என்பவர் அரசு விரைவு போக்குவரத்து கழக பேருந்தில் முன்பதிவு செய்தார். பின்பு பேருந்தில் பயணம் செய்த போது, இருக்கைகள் மிகவும் மோசமாக இருந்ததோடு நள்ளிரவில் பெய்த மழையால் பேருந்து கூரையில் இருந்து மழை நீர் ஒழுங்கியுள்ளது.

இதனால் சோமசுந்தரம் இதுகுறித்து நுகர்வோர் குறைதீர்க்கும் நீதிமன்றத்தில் புகார் அளித்தார். இந்த புகாரில் தனக்கு உரிய நஷ்டஈடு வழங்க வேண்டும் என அவர் கோரிக்கை விடுத்திருந்தார்.

இதையடுத்து இந்த வழக்கு விசாரணையில் பயணி சோமசுந்தரத்துக்கு 50 ஆயிரம் ரூபாய் நஷ்டஈடு வழங்க வேண்டும் என்று அரசு விரைவு போக்குவரத்து கழகத்திற்கு நுகர்வோர் குறைதீர் நீதிமன்றம் உத்தரவிட்டு உள்ளது.