நடந்து முடிந்த மக்களவைப் பொதுத் தேர்தலில் தமிழகம் மற்றும் புதுச்சேரியைப் பொறுத்தவரை திமுக மற்றும் கூட்டணி கட்சிகள் 40 இடங்களிலும் கைப்பற்றின.

தமிழகத்திலேயே திருவள்ளூர் தொகுதியில் போட்டியிட்ட காங்கிரஸ் வேட்பாளர் அதிகபட்ச வாக்கு வித்தியாசத்தில் வெற்றி பெற்றுள்ளார். 

மேலும் தூத்துக்குடி தொகுதியில் போட்டியிட்ட அனைத்து வேட்பாளர்களையும் டெபாசிட் இழக்க செய்து கனிமொழி அபார வெற்றியை பதிவு செய்துள்ளார்.

இந்த நிலையில், சென்னை அறிவாலயத்திற்கு தமிழக முதலமைச்சரும் திமுக தலைவருமான மு க ஸ்டாலின் இன்று மாலை வருகை தந்தார்.

🏴🚩
அண்ணா அறிவாலயம் சென்ற முதலமைச்சர் மு.க.ஸ்டாலினுக்கு மலர்தூவி உற்சாக வரவேற்பு அளித்த தொண்டர்கள்!#SunNews | #AnnaArivalayam | #CMStalin | #DMK | @mkstalin pic.twitter.com/DRyAFRhwTx

— Vinoth Pappu 🧢 🏴🚩 (@vinoth_pappu) June 6, 2024

அவருக்கு திமுக உறுப்பினர்களும், திமுகவின் அமைச்சர், எம்எல்ஏ, எம்பிக்கள் மற்றும் மூத்த தலைவர்கள் உற்சாக வரவேற்பு அளித்தனர்.

முதலமைச்சர் மு க ஸ்டாலின் வருகை தந்த போது பட்டாசுகளை வெடித்தும், அவர் மீது பூக்களை தூவியும் திமுகவினர் உற்சாகமாக வரவேற்பளித்தனர்.

தொடர்ந்து மக்களவைத் தேர்தலில் வெற்றி பெற்ற திமுக எம்பிக்கள் மற்றும் திமுகவின் கூட்டணி கட்சி எம்பிக்கள் அறிவாலயத்தில் முதல்வர் ஸ்டாலினை சந்தித்து வாழ்த்து பெற்றனர். மேலும் வெற்றி பெற்றதற்கான சான்றிதழ்கள் முதல்வரிடம் கொடுத்து வாழ்த்து பெற்றனர்.