தமிழகம் செஞ்சியை சேர்ந்த 35 வயதான முகம்மது ஷெரீப், அவரது குடும்பம் கடந்த  இரண்டு நாட்களாக அவரது அழைப்பை எதிர்பார்த்துக் காத்திருந்த நிலையில், அவர் இறந்து போன செய்தியை கேட்டு  நிலைகுலைந்துள்ளது.

செஞ்சி தாலுகாவில் உள்ள கிருஷ்ணாபுரத்தைச் சேர்ந்த ஷெரீப், குவைத்தில் உள்ள மங்காப் நகரில் உள்ள என்.பி.டி.சி., என்ற ஸ்டீல் நிறுவனத்தில் கடந்த 12 ஆண்டுகளாக ஃபோர்மேனாக பணியாற்றி வந்துள்ளார்.  செய்தி சேனல்களில் தீ விபத்து பற்றி அறிந்ததும் ஷெரீப்பின் குடும்பத்தினர் அவரை அவரது மொபைலில் அழைத்தபோது, ​​பல மணி நேரமாக பலன் கிடைக்கவில்லை. 

அவரது சக ஊழியர்களை தொடர்பு கொண்டபோது, ​​ஷெரீப் மருத்துவமனையில் சிகிச்சை பெற்று வருவதாக புகைப்படம் அனுப்பி உள்ளனர். ஆனால் அந்த புகைப்படத்தில் இருப்பவர் ஷெரீப் இல்லை என்று குடும்பத்தினர் முதலில் கூறியுள்ளனர்.

கடந்த செவ்வாய்கிழமை மதியம் அவர் தொழிற்சாலையில் வேலை செய்து கொண்டிருந்தபோது அவரிடம் அவரது குடும்பத்தார் பேசியுள்ளனர். ஷெரீப் அவர்களுக்கு ஒரு செல்ஃபி அனுப்பியதாக கூறப்படுகிறது, அதுதான் அந்த குடும்பம் அவரைப் பார்த்ததும் கேட்டதும் கடைசியாக இருந்தது உள்ளது . மேலும் அவர்கள் தங்களின் வருத்தத்தை வெளிப்படுத்த வார்த்தைகள் இல்லாமல் இருக்கிறனர்.

ஷெரீப்புக்கு ஒன்பது மற்றும் ஐந்து வயதில் இரண்டு மகள்கள் உள்ளதாக கூறப்படுகிறது. அவரது மனைவி அஷ்ரபுன்னிசாவின் சொந்த ஊரான செஞ்சியில் கடந்த 5 ஆண்டுகளுக்கு முன்பு குடும்பம், அவரது பெற்றோருடன் குடியேறி உள்ளனர். ஷெரீப் எஃகு நிறுவனத்தில் வாடகை மற்றும் உணவைத் தவிர்த்து மாதச் சம்பளம் 25,000 ரூபாய்க்கு வேலை செய்து வந்ததாக அவரது குடும்பத்தினர் தெரிவித்தனர்.

மேலும், அவர் கடந்த மே மாதம் 29ஆம் தேதி வரை அவர் இங்கே இருந்ததாக கூறப்படுகிறது. அவரது குழந்தைகளுக்கு என்ன சொல்வது என்று தெரியாமல் அந்த மொத குடும்பமே தவித்து போய் உள்ளது.

ஷரீப்பைத் தொடர்புகொள்ள தீவிர முயற்சியில் ஈடுபட்டிருந்த குடும்பத்தினர், அவர் உயிருடன் இருப்பார் அல்லது குறைந்தபட்சம் பலத்த காயங்களுடன் தப்பித்திருக்கலாம், விரைவில் அவர்களை அழைப்பார் என்று நம்பி உள்ளனர். ஷெரீப்பின் மரணம் குறித்த அதிகாரப்பூர்வ தகவல் கிடைத்த உடன், அவர்கள் முற்றிலும் உடைந்து போய் உள்ளார்கள்.