சென்னையில் வெள்ளம்!...வெளுத்து வாங்கும் பலத்த கனமழை!

தென்னிந்திய கிழக்கு கடலோரப்பகுதிகளை ஒட்டி ஒரு வளிமண்டல கீழடுக்கு சுழற்சி நிலவுவதால் தமிழகத்தில் ஓரிரு இடங்களிலும் புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும் என்று வானிலை ஆய்வு மையம் தெரிவித்திருந்தது. இதற்கிடையே, கடந்த சில நாள்களாக சென்னையில் இரவு நேரங்களில் மழை பெய்துவந்தது.

இந்த நிலையில், நாளை தீபாவளி பண்டிகை நெருங்கியுள்ள நிலையில், பொது மக்கள் துணிகள் மற்றும் பட்டாசுகளை வாங்க கடைகளுக்கு குவிந்து வருகின்றனர்.

இந்த சூழ்நிலையில்,சென்னையில் சுமார் திடீரென ஒரு மணி நேரம் கனமழை கொட்டித்தீர்த்தது. இதன் காரணமாக சென்னை கொளத்தூர், பெரம்பூர், மணலி, நெற்குன்றம், அண்ணாநகர், அமைந்தகரை ஆகிய இடங்களில் கனமழை கொத்த தீர்த்தது.

மேலும் இந்த கனமழையால் சென்னை சைதாப்பேட்டையில் உள்ள அரங்கநாதன் சுரங்கப்பாதையில் முழங்கால் அளவிற்கு மழைநீர் வெள்ளம் போல் தேங்கி உள்ளது. இதனால் வாகன ஓட்டிகள் கடும் அவதிக்குள்ளாகினர்.

இந்த நிலையில் தமிழகத்தில் இன்று 8 மாவட்டங்களில் கனமழைக்கு வாய்ப்பு இருப்பதாக வானிலை மையம் தெரிவித்துள்ளது.