தொடரும் அட்டூழியம் - நெடுந்தீவு அருகே மீன்பிடித்த தமிழக மீனவர்கள் கைது.!
four tamilnadu fishermans arrested
சமீப காலமாகவே கடலுக்கு மீன் பிடிக்க செல்லும் தமிழக மீனவர்களை, எல்லை தாண்டி மீன் பிடித்ததாக கூறி இலங்கை கடற்படை கைது செய்வது தொடர் கதையாக உள்ளது. தமிழகத்தில் மீன் பிடிதடைக்காலம் முடிந்து கடந்த சில தினங்களுக்கு முன்புதான் மீனவர்கள் ஆழ்கடலுக்கு மீன்பிடிக்க சென்று வருகிறார்கள்.
இந்த நிலையில், இலங்கை கடற்படை நெடுந்தீவு அருகே மீன் பிடித்துக் கொண்டு இருந்த தமிழக மீனவர்கள் நான்கு பேரை கைது செய்துள்ளது. மீனவர்களை படகுகளுடன் சிறை பிடித்த இலங்கை கடற்படை, இலங்கையில் உள்ள கடற்படை முகாமில் வைத்து விசாரணை மேற்கொண்டு வருகிறது.
கைது செய்யப்பட்ட மீனவர்கள் நான்கு பேரும் ராமநாதபுரத்தில் இருந்து மீன் பிடிக்க சென்றவர்கள் என்பது தெரிய வந்தது. மீன்பிடித்து தடை காலம் முடிந்து தமிழக மீனவர்கள் தற்போது மீன்பிடிக்க சென்ற போது இலங்கை கடற்படையினரால் கைது செய்யப்பட்ட சம்பவம் மீனவர்களிடையே பெரும் அதிர்ச்சியை ஏற்படுத்தியுள்ளது.
English Summary
four tamilnadu fishermans arrested