குலசை ஏவு தளத்தால் "10ல் ஒரு பங்கு தான் செலவு".!! இஸ்ரோ தலைவர் விளக்கம்.!!

தூத்துக்குடி மாவட்டம் குலசேகரப்பட்டினத்தில் அமையவுள்ள ராக்கெட் ஏவுதளத்த கட்டுமான பணிக்கு பிரதமர் நரேந்திர மோடி அடிக்கல் நாட்டினார். அதனையொட்டி ரோகிணி RH–200 ராக்கெட் விண்ணில் செலுத்தப்பட்டது. இதனைத் தொடர்ந்து திருச்செந்தூரில் செய்தியாளர்களை சந்தித்த இஸ்ரோ தலைவர் சோம்நாத் இந்தியாவின் 2-வது ராக்கெட் ஏவுதளமாக குலசேகரப்பட்டினம் உள்ளது.

குலசேகரப்பட்டினத்திலிருந்து ராக்கெட்டை விண்ணிற்கு செலுத்துவது மிகச் சுலபம். ரூ.1000 கோடி மதிப்பிலான பணிகள் விரைவில் முடியும் என நம்புகிறேன்.

குலசேகரன்பட்டினம் ராக்கெட் ஏவுதளத்தின் மூலம் நேரம், பொருளாதாரம் போன்றவை சேமிப்பாகிறது. ஆந்திர மாநிலம் ஸ்ரீஹரிகோட்டாவை விட குலசேகரப்பட்டினத்திலிருந்து ராக்கெட்டை விண்ணில் செலுத்துவதற்கு 10-ல் ஒரு பங்கு செலவே ஆகிறது" என தெரிவித்துள்ளார்.