பாதியிலேயே நிறுத்தப்பட்ட ஜெயிலர் திரைப்படம் - காரணம் என்ன?
jailer movie stop midway in vadapazhani theatre
சென்னையில் ஜெயிலர் திரைப்படம் ஓடிக்கொண்டிருக்கும் போது பாதியிலேயே நிறுத்தப்பட்டதால் ரசிகர்களிடையே பெரும் பரபரப்பு ஏற்பட்டுள்ளது.
இயக்குனர் நெல்சன் இயக்கத்தில், நடிகர் ரஜினிகாந்த் நடிப்பில் வெளியான திரைப்படம் ஜெயிலர். இந்தப் படத்தை சன் பிக்சர்ஸ் நிறுவனம் தயாரித்துள்ளது.
அனிருத் இசையமைத்துள்ள இந்தப் படம் கடந்த 10 ம் தேதி திரையரங்குகளில் வெளியானது. தமிழகம் முழுவதும் பல்வேறு திரையரங்குகளில் வெளியாகி மக்கள் மத்தியில் பெரும் வரவேற்பை பெற்று வருகிறது.
இந்த நிலையில், விடுமுறை நாளான இன்று வடபழனியில் உள்ள ஒரு திரையரங்கில் ஜெயிலர் படம் திரையிடப்பட்டது. திரையில் படம் ஓடிக்கொண்டிருக்கும் போதே திடீரென தொழில்நுட்ப காரணமாக படம் பாதியிலேயே நிறுத்தப்பட்டது.
மேலும், காட்சியும் ரத்து செய்யப்பட்டது. இதனால், குடும்பத்துடன் படம் பார்க்க ரசிகர்கள் திரையரங்க நிர்வாகிகளுடன் திடீரென வாக்குவாதத்தில் ஈடுபட்டனர். இதனால் திரையரங்கில் பரபரப்பு ஏற்பட்டது.
English Summary
jailer movie stop midway in vadapazhani theatre