#திடீர்திருப்பம் || நாளை வழக்கம் போல் தனியார் பள்ளிகள் இயங்குமா? சற்றுமுன் தமிழக அரசு தரப்பில் வந்த எச்சரிக்கை.!

கள்ளக்குறிச்சி தனியார் பள்ளி தாக்குதலுக்கு கண்டனம் தெரிவிக்கும் விதமாக, தமிழகத்தில் நாளை முதல் தனியார் பள்ளிகள் இயங்காது என்று, தமிழ்நாடு தனியார் பள்ளிகள் கூட்டமைப்பு அதிகாரபூர்வ அறிவிப்பை வெளியிட்டு இருந்தது.

இந்நிலையில், விதிகளை மீறி விடுமுறை விட்டால் தனியார் பள்ளிகள் மீது கடுமையான நடவடிக்கை எடுக்கப்படும் என்று, தமிழக அரசு சார்பாக மெட்ரிகுலேஷன் பள்ளிகள் இயக்குநரகம் எச்சரிக்கை விடுத்துள்ளது.

மேலும், நாளை தனியார் பள்ளிகளுக்கு விடுமுறை விடுவது தொடர்பாக எந்த முன் அனுமதியும் பெறவில்லை என்றும் மெட்ரிகுலேஷன் இயக்குநரகம் தெரிவித்துள்ளது.

கள்ளக்குறிச்சி பள்ளி வன்முறை சம்பவத்தை தொடர்ந்து, மெட்ரிகுலேஷன் பள்ளிகள் சங்கம் வேலை நிறுத்தம் அறிவித்திருந்த நிலையில், முன் அனுமதி பெறாமல் மெட்ரிகுலேஷன் பள்ளிகள் விடுமுறை அறிவித்தால் சம்பந்தப்பட்ட மாவட்ட முதன்மை கல்வி அலுவலர்கள் நடவடிக்கை எடுப்பார்கள் என்று, மெட்ரிகுலேஷன் பள்ளிகள் இயக்குனரக இயக்குனர் எச்சரிக்கை விடுத்துள்ளார்.

மேலும், வழக்கம் போல பள்ளிகள் நாளை செயல்பட வேண்டும் என்றும் மெட்ரிகுலேஷன் பள்ளிகள் இயக்குனரக இயக்குனர் கருப்புசாமி அறிவுறுத்தியுள்ளார்.