கல்லூரி மாணவர்களுக்கு போதை மாத்திரை விற்பனை - போலீசின் வலையில் சிக்கிய வாலிபர்.!
man arrested for drugs tablet supply to college students
திருச்சி மாவட்டம் சமயபுரம் சுங்கச்சாவடி அருகே உள்ள தனியார் கல்லூரி மாணவர்களுக்கு போதை மாத்திரை விற்பனை செய்வதாக சமயபுரம் போலீசாருக்கு ரகசிய தகவல் கிடைத்தது. இதையடுத்து சமயபுரம் போலீசார் தீவிர கண்காணிப்பில் ஈடுபட்டு வந்தனர்.
அப்போது அங்கு சந்தேகத்திற்கு இடமாக திரிந்த வாலிபரை பிடித்து விசாரணை மேற்கொண்டதில் அவர் லால்குடி அருகே தாளக்குடி முத்தமிழ் நகர் பகுதியைச் சேர்ந்த ரவிச்சந்திரன் மகன் முருகானந்தம் என்பதும் அப்பகுதியில் உள்ள கல்லூரி மாணவர்களுக்கு போதை மாத்திரைகள் விற்பனை செய்து வந்ததும் தெரிய வந்தது.
இதையடுத்து போலீசார் அவரை கைது செய்து திருச்சி மத்திய சிறையில் அடைத்தனர். இருப்பினும், இதற்கு பின்னணியில் இருப்பவர்களை கைது செய்வதற்கான நடவடிக்கை எடுக்க வேண்டும் என்று சமூக ஆர்வலர்கள் கோரிக்கை விடுத்துள்ளனர்.
English Summary
man arrested for drugs tablet supply to college students