இன்று முதல் மெட்ரோ ரெயில்கள் வழக்கம்போல் இயங்கும்!

சென்னை மெட்ரோ ரெயில் நிறுவனம் வெளியிட்ட செய்திக்குறிப்பில், இன்று முதல் (வியாழக்கிழமை) மெட்ரோ ரெயில் சேவைகள் வாரநாள் அட்டவணையின்படி வழக்கம்போல் காலை 5 மணி முதல் இரவு 11 மணி வரை இயக்கப்படும் என அறிவிக்கப்பட்டுள்ளது.

அதன்படி, அனைத்து மெட்ரோ முனையங்களிலிருந்தும் முதல் ரெயில் காலை 5 மணிக்கு புறப்படும், மற்றும் கடைசி ரெயில் இரவு 11 மணிக்கு புறப்படும்.

சென்னை சென்ட்ரல் முதல் பரங்கிமலை வரை, மற்றும் விம்கோ நகர் முதல் சென்னை விமான நிலையம் வரை, 6 நிமிட இடைவெளியில் ரெயில்கள் இயக்கப்படும். வண்ணாரப்பேட்டை முதல் ஆலந்தூர் வரை 3 நிமிட இடைவெளியில் ரெயில்கள் இயக்கப்படும் எனவும் கூறப்பட்டுள்ளது.

இச்சேவைகள் வழக்கம்போல தொடர்ந்தும் பயணிகளுக்கு சவுகரியம் வழங்கும் வகையில் செயல்படும்.