சீமான் ஒரு போலி அரசியல்வாதி - அமைச்சர் சிவசங்கர் பரபரப்பு பேட்டி.!
minister sivasangar press meet in ariyalur
அரியலூர் மாவட்டத்தில் உள்ள செந்துறையில் தமிழக போக்குவரத்து துறை அமைச்சர் சிவசங்கர் செய்தியாளர்களை சந்தித்தார். அப்போது அவர் பேசியதாவது:- "தனியாருக்கு சொந்தமான இருசக்கர வாகனங்கள் மொபைல் ஆப் மூலம் நாடு முழுவதும் வாடகைக்கு இயக்கப்பட்டு வருகிறது.
இதனால், தமிழகத்தில் பாதுகாப்பற்ற சூழ்நிலை நிலவுவதாக சமூக ஆர்வலர்கள் அச்சம் தெரிவித்துள்ளனர். இதுகுறித்து அதிகாரிகள் கொண்ட குழு அமைத்து ஆய்வு செய்து நடவடிக்கை எடுக்கப்படும். பருவமழை வெள்ளத்தடுப்பு பணிகளை தமிழக அரசு சிறப்பாக செயல்படுத்தியது.
எதிர்க்கட்சிகள் வேண்டுமென்று குறை கூறுகிறார்கள். தமிழ்த்தாய் வாழ்த்து பாடல் மனோன்மணியம் சுந்தரனார் காலத்தில் பாடப்பட்டு தமிழக அரசு அதனை ஏற்று அதிகாரப்பூர்வமாக நடைமுறைப்படுத்தி வருகிறது.
அந்த பண்பாடு தெரிந்தவர்கள், அதன் அருமை, பெருமை தெரிந்தவர்களுக்கு தான் புரியும். சீமான் போன்றவர்கள் வெறும் போலி அரசியல்வாதிகள். எந்த நேரத்தில் எதையாவது ஒன்றை பரபரப்பு செய்திகளுக்காக பேசுவார்கள். ஆகவே அவர்களை மக்கள் புறம் தள்ளுவார்கள்" என்று தெரிவித்தார்.
English Summary
minister sivasangar press meet in ariyalur