அம்பத்தூர் அருகே தண்டவாளத்தில் உயிரிழந்து கிடந்த நபர்.! கொலையா? தீவிர விசாரணையில் போலீசார்.!

சென்னையில் உள்ள அம்பத்தூர் ரெயில் நிலையம் அருகே தண்டவாளத்தை கடந்து செல்ல முயன்ற ஆண் நபர் ஒருவர், சென்னையில் இருந்து அரக்கோணம் நோக்கி சென்ற எக்ஸ்பிரஸ் ரெயிலில் அடிபட்டு சம்பவ இடத்திலேயே பரிதாபமாக உயிரிழந்தார்.

இதைப்பார்த்த பொதுமக்கள் சம்பவம் தொடர்பாக பொலிஸாருக்குத் தகவல் அளித்தனர். அந்த தகவலின் படி, போலீசார் சம்பவ இடத்திற்கு விரைந்து வந்தனர். அங்கு அந்த வாலிபரின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.

அதன் பின்னர் இந்த நபர் யார்? இது தற்கொலையா? இல்லை விபத்தா? இல்லை யாராவது அடித்து இங்குவந்து தூக்கி போட்டுள்ளனரா? என்று பல கோணங்களில் விசாரணை மேற்கொண்டனர்.

அந்த நபர் சிவப்பு நிறத்தில் சட்டையும், கருப்பு நிறத்தில் பேண்ட்டும் அணிந்திருந்தார். மேலும், இந்த சம்பவம் தொடர்பாக போலீசார் வழக்குப்பதிவு செய்து விசாரணை மேற்கொண்டு வருகின்றனர்.