ஈரோடு : வாடகை வீட்டில் விபச்சாரம் நடத்திய புரோக்கர் கைது.!

ஈரோடு மாவட்டத்தில் உள்ள புளியம்பட்டி பகுதியைச் சேர்ந்த ஒருவர் அப்பகுதியில் உள்ள ஒரு பேருந்து நிறுத்தத்தில் நின்று கொண்டிருந்தார். அப்போது அங்கு வந்த ஒரு நபர் தன்னிடம் ஏராளமான பெண்கள் இருகின்றனர். அவர்களுடன் உல்லாசமாக இருப்பதற்கு ரூ.1000 கொடுத்தால் அழைத்து செல்வேன் என்று ஆசை வார்த்தையை அள்ளி வீசியுள்ளார்.

இதுகுறித்து பேருந்து நிலையத்தில் நின்று கொண்டிருந்த நபர் போலீசில் புகார் அளித்துள்ளார். அந்த புகாரின் படி, பொறுப்பு தலைமை காவலர் முருகேசன் மற்றும் துணை தலைமை காவலர் பகவதியம்மாள், ரத்தினம், மற்றும் போலீசார் உள்ளிட்ட விரைந்து சென்று விபசாரத்துக்கு அழைத்த நபரை பிடித்து விசாரணை மேற்கொண்டனர்.

அந்த விசாரணையின் போது அவர் நீலகிரி மாவட்டத்தில் கோத்தகிரி அருகே உள்ள தொட்டன்னி பகுதியைச் சேர்ந்த இளங்கோ என்பதும் இவர் ஒரு ஓட்டுநர் என்றும் தெரியவந்தது.

மேலும் இவர் புளியம்பட்டி பகுதியில் காமாட்சி அம்மன் கோவில் அருகில் வாடகைக்கு வீடு எடுத்து விபசாரத்தொழில் நடத்தி வருவது தெரியவந்தது. அதன் பின்னர் போலீசார் இளங்கோவை கைது செய்தனர்.