திமுகவின் முக்கிய புள்ளியின் வீடு உள்ளிட்ட 30 இடங்களில் என்.ஐ.ஏ அதிகாரிகள் அதிரடி ரெய்டு!

தீவிரவாத செயலுக்கு பயிற்சி அளிக்கப்படுவதாக வந்த தகவலை அடுத்து, தமிழகம் முழுவதும் 30 இடங்களில் என்.ஐ.ஏ அதிகாரிகள் சோதனை மேற்கொண்டு வருகின்றனர்.

கோவை அரபிக் கல்லூரியில் தீவிரவாத செயலுக்கான பயிற்சி அளிக்கப்படுவதாக வந்த தகவலை அடுத்து, இந்து அதிகாலை முதல் கோவை, சென்னை உள்ளிட்ட 30 இடங்களில் என்.ஐ.ஏ அதிகாரிகள் சோதனை நடத்தி வருகின்றனர்.

கோவை அரபிக் கல்லூரியில் படித்தவர்கள் மற்றும் அதில் தொடர்புடையவர்கள் வீடுகளில் என்.ஐ.ஏ சோதனை என தகவல் வெளியாகியுள்ளது.

கோவையை சேர்ந்த திமுக கவுன்சிலர் உள்ளட்டவர்களின் வீடுகளிலும் என்.ஐ.ஏ சோதனை நடந்து வருவதாக தகவல் வெளியாகியுள்ளது.

தென்காசி மாவட்டம், கடையநல்லூர், ரசாலிபுரம் தெருவில் உள்ள இத்ரிஸ் என்பவரின் வீட்டில் அதிகாலை 5 மணி முதல் என்ஐஏ அதிகாரிகள் சோதனை மேற்கொண்டு வருகின்றனர்.

இத்ரிஸ் செல்போன் எண்ணுக்கு தடை செய்யப்பட்ட இயக்கங்களில் இருந்து அழைப்பு வருவதாக கிடைத்த தகவலின் அடிப்படையில் அவரின் வீட்டில் சோதனை நடைபெறுகிறது.

சென்னையில் திருவிக நகரில் உள்ள முஜ்பீர் ரகுமான் என்பவரின் வீட்டில் என்.ஐ.ஏ சோதனை நடைபெற்று வருகிறது.