தமிழகத்தில் மூன்று மாவட்டங்களுக்கு நாளை ஆரஞ்ச் அலர்ட் விடுக்கப்பட்டுள்ளதாக தகவல் வெளியாகி உள்ளது.

இது தொடர்பாக சென்னை வானிலை ஆய்வு மையம் வெளியிட்டுள்ள செய்தி குறிப்பில் தெரிவித்துள்ளதாவது, தமிழக பகுதிகளின் மேல் நிலவும் ஒரு வளிமண்டல கிழக்கு அடுக்கு சுழற்சி காரணமாக தமிழகத்தில் ஓரிரு இடங்களில் மழை பெய்ய வாய்ப்புள்ளதாக தெரிவித்துள்ளது.

அரியலூர், பெரம்பலூர், ராமநாதபுரம், தூத்துக்குடி, விழுப்புரம், கள்ளக்குறிச்சி, சேலம், தென்காசி, கன்னியாகுமரி, திருநெல்வேலி ஆகிய மாவட்டங்களில் ஓரிரு இடங்களில் கனமழை பெய்ய வாய்ப்பு உள்ளதாகவும்ஓரிரு இடங்களில் மிக கனமழை பெய்ய வாய்ப்பு வாய்ப்புள்ளதாகவும் கூறப்படுகிறது.

தமிழகத்தில் நாளை அனேக இடங்களில்  மின்னலுடன் கூடிய லேசானது முதல் மிதமான மழை பெய்யக்கூடும் எனவும்  மூன்று மாவட்டங்களுக்கு ஆரஞ்சு அலர்ட் விடுக்கப்பட்டுள்ளது.

தென்காசி, திருநெல்வேலி, கன்னியாகுமரி ஆகிய மாவட்டங்களில் ஆரஞ்சு விடுக்கப்பட்டுள்ள நிலையில் ஓரிரு இடங்களில் கனமழை முதல் மிக கனமழை வரை பெய்யும் வாய்ப்புள்ளதாகவும் கூறப்படுகிறது.

நீலகிரி, திருப்பூர், தேனி, திண்டுக்கல், தூத்துக்குடி, இராமநாதபுரம், மதுரை மற்றும் விருதுநகர் ஆகிய மாவட்டங்களில் ஒரு இடங்களில் கனமழையும் பெய்ய வாய்ப்பு உள்ளது.

தலைநகர் சென்னை பொருத்தவரை அடுத்த 24 மணி நேரத்தில் வானம் ஓரளவுக்கு மேகமூட்டத்துடன் காணப்படும் எனவும் நகரின் ஒரு சில பகுதிகளில் இரவு நேரங்களில் இடி மின்னலுடன் கூடிய லேசானது முதல் மிதமான மழை வரை பெய்ய வாய்ப்பு உள்ளதாக தெரிவிக்கப்பட்டுள்ளது.