மாணவர்களுக்கு தரமான சைக்கிளைத் தர வேண்டும் - ப. சிதம்பரம் வலியுறுத்தல்.!
p chithambaram request quality cycle to students
தமிழகத்தில் பதினொன்றாம் வகுப்பு படிக்கும் மாணவர்களுக்கு இலவச மிதிவண்டி வழங்கப்பட்டு வருகிறது. ஆனால், இந்த மிதிவண்டி தரமில்லாமல் இருப்பதாக குற்றம் சாட்டி வருகின்றனர். இது குறித்து முன்னாள் மத்திய அமைச்சரும், காங்கிரஸ் மூத்த தலைவருமான ப.சிதம்பரம் இன்று தனது எக்ஸ் தள பக்கத்தில் பதிவு ஒன்றை வெளியிட்டுள்ளார்.
அந்தப் பதிவில் தெரிவித்து இருப்பதாவது:- "தமிழகத்தில் மாணவர்களுக்கு அரசு வழங்கிய இலவச சைக்கிள்களின் தரக்குறைவு குறித்து மாணவர்களும் ஆசிரியர்களும் கருத்துத் தெரிவித்திருக்கிறார்கள்.
இந்த தரமில்லாத சைக்கிள்களை வேறு வழியில்லாமல் வேண்டிய கட்டாயம் மாணவர்களுக்கு ஏற்பட்டிருக்கிறது என்று அறிந்து அதிர்ச்சியடைந்தேன். சைக்கிள்களை தயாரித்து அளித்த நிறுவனங்கள் எவை? 3-4 நிறுவனங்களுக்கு மேல் இருக்க முடியாதே?
இந்தத் தரமில்லாத சைக்கிள்களைத் திரும்பப் பெற்று அவற்றுக்கு மாற்றாக தரமான சைக்கிள்களை அந்த நிறுவனங்கள் தர வேண்டும் என்று சட்டப்படியான நடவடிக்கைகளைத் தமிழ்நாடு அரசு எடுக்க வேண்டும் என்று வலியுறுத்துகிறேன்" என்றுத் தெரிவித்துள்ளார்.
English Summary
p chithambaram request quality cycle to students