பங்குனி உத்திரம் திருவிழா.. இன்று குறிப்பிட்ட மாவட்டங்களுக்கு விடுமுறை - மாவட்ட ஆட்சியர் அறிவிப்பு.!

தமிழகத்தில் உள்ள ஒவ்வொரு மாவட்டங்களிலும் கோவில் திருவிழாக்கள், சிறப்பு பண்டிகை மற்றும் சுதந்திரப் போராட்ட வீரர்களின் நினைவு தினங்கள் உள்ளிட்ட முக்கிய தினங்களை முன்னிட்டு உள்ளூர் விடுமுறை வழங்கப்பட்டு வருகிறது.

அந்த வகையில் ஆண்டுதோறும் தமிழகத்தில் பங்குனி உத்திர திருவிழா விமரிசையாக கொண்டாடப்படும். அதன் காரணமாக குறிப்பிட்ட மாவட்டங்களுக்கு உள்ளூர் விடுமுறை அறிவிக்கப்படுகிறது.

இந்த நிலையில் பங்குனி உத்திர திருவிழாவை முன்னிட்டு இன்று தென்காசி மற்றும் திருநெல்வேலி மாவட்டத்திற்கு உள்ளூர் விடுமுறை அறிவிக்கப்படுவதாக அம்மாவட்ட ஆட்சியர்கள் அறிவித்துள்ளனர்.

மேலும், பள்ளி மற்றும் கல்லூரி தேர்வுகள் வழக்கம் போல் நடைபெறும் என தெரிவிக்கப்பட்டுள்ளது.