சாலையில் கட்டுக்கட்டாக கிடந்த பணம்! காவல் நிலையத்தில் ஒப்படைத்த நபர்!

தாம்பரம் அருகே சாலையில் கேப்பாரற்று கிடந்த ரூ.98,000 பணத்தை சாமுவேல் என்பவர் காவல் நிலையத்தில் ஒப்படைக்கப்பட்டுள்ளதாக தகவல் வெளியாகி உள்ளது.

சென்னை தாம்பரம் அடுத்த சேலையூர் அருகே உள்ள மப்பேடுபுதூர் நகரை சேர்ந்தவர் டேனியல். இவர் தனியார் நிறுவன ஊழியராக பணியாற்றி வருகிறார். இவர்நேற்று அதிகாலை பணிக்கு செல்லும் வெம்பாக்கம் பிரதான சாலை வழியாக சென்றதாக கூறப்படுகிறது.

அப்போது ஒரு சிறிய அட்டைப் பெட்டியில் 500 ரூபாய் நோட்டு கட்டுகள் இருந்ததுள்ளது. அதை எடுத்து எண்ணிய போது ரூ.98 ஆயிரம் ரூபாய் இருந்ததாக கூறப்படுகிறது.

வழியாக சென்ற யாரோ அந்த பணத்தை தவறவிட்டு சென்றிருப்பதாக தெரிகிறது என எண்ணி டேனியல் அந்த பணத்தை தனது சகோதரர் சாமுவேல் இடம் கொடுத்து காவல் நிலையத்தில் ஒப்படைக்கும்படி கூறிவிட்டு வேலைக்கு சென்று விட்டார்.

சாமுவேல் தனக்கு தெரிந்த நாடார் சங்க நிர்வாகிகளுடன் சேலையூர் காவல் நிலையம் சென்று சாலையில் கேப்பரப்பு கிடந்த ரூபாய் 98 ஆயிரத்தை சப்-இன்ஸ்பெக்டர் கலைமகளிடம் ஒப்படைத்தார். பணத்தைப் பெற்றுக் கொண்ட அவர் அந்த பணத்தை உரியவரிடம் ஒப்படைப்பதாக உறுதியளித்ததாக கூறப்படுகிறது.