நடந்து முடிந்த நாடாளுமன்ற தேர்தலில் மதுரை தொகுதியில் திமுக கூட்டணி கட்சி சார்பில் கம்யூனிஸ்ட் கட்சியை சேர்ந்த சு.வெங்கடேசன், பாஜக சார்பில் ராம ஸ்ரீனிவாசன், அதிமுக சார்பில் மருத்துவர் சரவணன் உள்ளிட்டோர் வேட்பாளர்களாக களமிறங்கினர். இதில், சு.வெங்கடேசன் வெற்றி பெற்றார். 

இந்த நிலையில், மதுரை வந்த எடப்பாடி பழனிசாமியிடம், அதிமுக வேட்பாளர் டாக்டர் சரவணனுக்கு எதிராக செல்லூர் ராஜூ செயல்பட்டு, அதிமுக மூன்றாம் இடத்திற்கு சென்று விட்டதாக, அதிமுக எம்ஜிஆர் இளைஞரணி நிர்வாகி மற்றும் ராஜூவின் முன்னாள் உதவியாளர் ராமசுப்பிரமணியன் புகார் தெரிவித்துள்ளனர். தற்போது இருவரும் பேசிக்கொள்ளும் ஆடியோ ஒன்று இணையத்தில் வைரலாகி பெரும் பரபரப்பை ஏற்படுத்தியுள்ளது.

அந்த ஆடியோவில், செல்லூர் ராஜு ஒரு இடத்துல விசுவாசமா இருந்திருக்கியாடா? என்று கேள்வி எழுப்ப அதற்கு ராமசுப்பிரமணியன், உங்ககிட்ட யாரு வேலை கேட்டா? என்றுள்ளார். அதற்கு செல்லூர் ராஜு நீதானே கேட்ட. தொலைச்சிப்புடுவேன். திருப்பரங்குன்றத்துலயே வேலை பார்த்துக்க வேண்டியதுதானே என்றார் .

உடனே ராமசுப்பிரமணியன் முதல்லில் கூட இருந்த போது தெரியாதா..? என்று பதில் பேச, செல்லூர் ராஜூ தொலைச்சிப்புடுவேன் பார்த்துக்கோ.. என்ன புடுங்குற.. கட்சிக்காரனுக்கு தெரியும் நான் வேலை பார்த்தேன், பார்க்காதது என பேசுவது போல் உள்ளது.