அதிர்ச்சி.. தமிழக மீனவர்கள் 22 பேர் கைது.!
srilangan navy arrest 22 tamilnadu fishermans
மீன்பிடித் தடைக்கலாம் முடிந்து மீனவர்கள் கடந்த சில நாட்களாகத்தான் கடலுக்குள் சென்று வருகின்றனர். ஆனால், அவர்கள் மீது இலங்கைக் கடற்படையினர் தாக்குதல் நடத்தி கைது செய்யும் சம்பவம் அரங்கேறி வருகிறது.
அதிலும் குறிப்பாக தமிழகத்தில் இருந்து மீன் பிடிக்கச் செல்லும் மீனவர்கள், எல்லை தாண்டி மீன் பிடிப்பதாக கூறி இலங்கை கடற்படையினர் சிறை பிடிப்பதும், படகுகளை பறிமுதல் செய்வதும் தொடர்ந்து நடைபெற்று வருகிறது.
இந்த நிலையில் தூத்துக்குடி மீனவர்கள் 22 பேரை இலங்கை கடற்படை எல்லை தாண்டி மீன்பிடித்ததாக கூறி கைது செய்துள்ளது. தூத்துக்குடி மீன்பிடி துறைமுகத்தில் இருந்து இரண்டு விசைப்படகுகளுடன் மீன்பிடிக்கச் சென்ற 22 மீனவர்கள் இலங்கை மன்னார் தென்கடல் பகுதியில் மீன்பிடித்துக் கொண்டிருந்தனர்.
அபோது அங்கு வந்த இலங்கை கடற்படையினர் அவர்களை கைது செய்தத்துடன், அவர்களின் படகுகளையும் பறிமுதல் செய்துள்ளனர். இந்தச் சம்பவம் சகா மீனவர்கள் மத்தியில் பெரும் அதிர்ச்சியையும் சோகத்தையும் ஏற்படுத்தியுள்ளது.
English Summary
srilangan navy arrest 22 tamilnadu fishermans