வரும் 25-ஆம் தேதி முதல் பள்ளிகளுக்கு கோடை விடுமுறை; ஜூன் 02-ஆம் தேதி மீண்டும் திறப்பு..!

2025-2026-ஆம் கல்வியாண்டில், அனைத்து அரசு மற்றும் அரசு உதவிபெறும் உயர்நிலை/மேல்நிலைப் பள்ளிகள் மாணவர்களுக்கு 25-ந்தேதி முதல் கோடை விடுமுறை விடப்படுவதாக அறிவிக்கப்பட்டுள்ளது. வருகிற ஜூன் மாதம் 02-ந்தேதி மீண்டும் பள்ளிகள் திறக்கப்படும் என்று தெரிவிக்கப்பட்டுள்ளது.

அரசு மற்றும் அரசு உதவி பெறும் உயர்நிலை/மேல்நிலைப் பள்ளிகளில் 06 முதல் 09-ஆம் வகுப்பு மாணவர்களுக்கான பள்ளி இறுதி தேர்வு நாளையோடு முடிவடைகிறது.

இந்நிலையில், ஆசிரியர்கள் விடைத்தாள் திருத்தும் பணியினை முடித்து தேர்வு முடிவினை வெளியிட தேவையான நடவடிக்கைகள் மேற்கொள்வதற்காக ஆசிரியர்களுக்கான பள்ளி இறுதி வேலை நாள் 30-ந்தேதி என்றும் தமிழ்நாடு பள்ளிக் கல்வி இயக்குநர் தெரிவித்துள்ளார்.

அத்துடன், ஜூன் 02-ந்தேதி பள்ளிகள் தொடங்குவதற்கு உரிய நடவடிக்கைகள் மேற்கொள்ள அனைத்து தலைமை ஆசிரியர்களுக்கும் அறிவுரை வழங்குமாறு அனைத்து முதன்மைக் கல்வி அலுவலர்களுக்கும் பள்ளிக் கல்வி இயக்குநர் அறிவுறுத்தியுள்ளார்.