ரேஷன் கடை ஊழியர்களுக்கு 20% போனஸ்! தமிழக அரசு அரசாணை வெளியீடு!
TamilNadu Govt Ration Shop diwali bonus
தமிழக அரசு ரேஷன் கடை ஊழியர்களுக்கு தீபாவளி போனஸை இன்று அறிவித்துள்ளது.
வரும் அக்.31 தீபாவளி பண்டிகை நாடு முழுவதும் கொண்டாடப்படவுள்ளது. இதனை முன்னிட்டு தமிழக அரசின் கீழ் இயங்கும் நிறுவனங்களின் ஊழியர்களுக்கு போனஸ் அறிவிப்புகளை தமிழக அரசு வெளியிட்டு வருகிறது.
குறிப்பாக அரசு பொதுத்துறை நிறுவனங்களில் பணிபுரியும் சி, டி பிரிவு ஊழியர்களுக்கு 20 சதவிகிதம் போனஸ் வழங்கப்படும் என்று தமிழக முதல்வர் மு.க.ஸ்டாலின் அறிவித்திருந்தார்.
இந்நிலையில், ரேஷன் கடை ஊழியர்களுக்கு போனஸ் அறிவிப்பை தமிழக அரசு வெளியிட்டுள்ளது.
அதன்படி, தீபாவளியை முன்னிட்டு, ரேஷன் கடை பணியாளர்களுக்கு 20% போனஸ்வழங்கப்படுவதாக தமிழக அரசு அரசாணை வெளியிட்டுள்ளது.
முன்னதாக நேற்று டாஸ்மாக் நிறுவனத்தில் பணிபுரியும் சி, டி பிரிவு ஊழியர்களுக்கு 20 சதவிகிதம் போனஸ் வழங்கப்படவுள்ளதாக தமிழக அரசு அறிவித்து இருந்தது. அதன்படி, டாஸ்மாக் ஊழியர்களுக்கு அதிகபட்சமாக ரூ.16,800 வரை போனஸ் கிடைக்கும் என்று தெரிவிக்கப்பட்டுள்ளது.
English Summary
TamilNadu Govt Ration Shop diwali bonus