எண்ணூரில் பயங்கரம்.! ரவுடி வெட்டிக்கொலை... தப்பி ஓடிய கும்பலுக்கு வலைவீச்சு..!

எண்ணூரில் மர்ம நபர்களால் ரவுடி வெட்டி கொலை செய்யப்பட்ட சம்பவம் அப்பகுதியில் பெரும் பரபரப்பு ஏற்படுத்தி உள்ளது.

சென்னை எண்ணூர் சுனாமி குடியிருப்பு பகுதியை சேர்ந்தவர் ரவுடி விஜி (25). இவர் மீது பல்வேறு குற்ற வழக்குகள் உள்ளன. இவர் நேற்று இரவு நடந்து சென்று கொண்டிருந்தபோது அவ்வழியாக மோட்டார் சைக்கிளில் வந்த மர்ம நபர்கள், திடீரென விஜியை அரிவாளால் சரமாரியாக வெட்டிவிட்டு அங்கிருந்து தப்பிச் சென்றுள்ளனர்.

இதில் பலத்த காயமடைந்த விஜி சம்பவ இடத்திலேயே பரிதாபமாக உயிரிழந்தார். இதையடுத்து இந்த சம்பவம் குறித்த தகவல் அறிந்து வந்த போலீசார், விஜியின் உடலை கைப்பற்றி பிரேத பரிசோதனைக்காக ஸ்டான்லி அரசு மருத்துவமனைக்கு அனுப்பி வைத்தனர். மேலும் இந்த சம்பவம் குறித்து வழக்கு பதிவு செய்த போலீசார், விஜியை வெட்டிக்கொன்ற மர்ம நபர்களை வலைவீசி தேடி வருகின்றனர்.