ஊராட்சிமன்றத் தலைவருக்கு கொலை மிரட்டல் - 3 உடன்பிறப்புகள் கைது.!
 
கள்ளக்குறிச்சி மாவட்டத்தில் உள்ள சின்னசேலம் அருகே கருங்குழி கிராமத்தைச் சேர்ந்தவர் ஊராட்சி மன்றத் தலைவர் சசிக்குமார். இந்தக் கிராமத்தில் கண்ணன் என்பவர் தனது வீட்டிற்கு முன்பு நான்கு அடி பொது இடத்தில் கட்டடம் கட்டியுள்ளார்.

இது தொடர்பாக, கடந்த 15 நாட்களுக்கு முன்பு சசிகுமார் கேட்டுள்ளார். அதற்கு கண்ணன் குடும்பத்தினர் அவரைத் திட்டியுள்ளனர். இது குறித்து சசிக்குமார் வருவாய்த் துறையில் மனு அளித்தார்.

அந்த மனுவின் படி வருவாய்த் துறையினர் விரைந்துச் சென்று கட்டடம் கட்டுவதைத் தடை செய்தும் அதனை மீறி கண்ணன் குடும்பத்தினர் கட்டடம் கட்டினர். இதைத் தொடர்ந்து சசிக்குமார், கடந்த 6ம் தேதி ஊர் தரப்பினர் முன்னிலையில் தேர் செல்லும் வழித்தடத்தில் கட்டடம் கட்டாதீர்கள் என்றுத் தெரிவித்துள்ளார்.

இதனால், ஆத்திரமடைந்த கண்ணன் குடும்பத்தினர் சசிக்குமாரை தாக்கி, கொலை மிரட்டல் விடுத்தனர். இது குறித்து சசிக்குமார் போலீசில் புகார் அளித்தார். அந்தப் புகாரின் பேரில் போலீசார் கண்ணன் மற்றும் அவரது மகன்கள் பொன்மணி, வெற்றிவேல், செல்வகுமார் உள்ளிட்ட 4 பேர் மீது வழக்குப் பதிவு செய்தனர்.

மேலும் பொன்மணி, வெற்றிவேல், செல்வகுமார் உள்ளிட்ட மூன்று பேரை போலீசார் கைது செய்தனர். இந்தச் சம்பவம் அப்பகுதியில் பெரும் பரபரப்பை ஏற்படுத்தியுள்ளது.