தீபாவளிவுக்கு அடுத்த நாளான திங்கட்கிழமை அரசு விடுமுறை - தமிழக அரசு அறிவிப்பு!
TNGovt Announce Diwali one more day holyday
தீபாவளியை முன்னிட்டு தமிழ்நாடு முழுவதும் உள்ள அனைத்து அரசு அலுவலகங்கள், பள்ளிகள், கல்லூரிகள் மற்றும் கல்வி நிறுவனங்களுக்கு 13.11.2023 அன்று விடுமுறை விடப்படுவதாக தமிழ்நாடு அரசு அறிவித்துள்ளது.
இதுகுறித்து தமிழக அரசு விடுத்துள்ள அந்த அறிவிப்பில், "இவ்வாண்டு தீபாவளியை 12.11.2023 அன்று கொண்டாடும் பொருட்டு தமது சொந்த ஊர்களுக்குச் சென்று திரும்பும் மாணவர்கள், அவர்தம் பெற்றோர்கள், ஆசிரியர்கள் மற்றும் அரசு அலுவலர்களின் நலனைக் கருத்தில் கொண்டு,
13.11.2023 அன்று ஒரு நாள் மட்டும், தமிழ்நாடு முழுவதும் உள்ள அனைத்து அரசு அலுவலகங்கள், பொதுத் துறை நிறுவனங்கள், பள்ளிகள், கல்லூரிகள் மற்றும் கல்வி நிறுவனங்களுக்கு விடுமுறை அளிக்கப்படுகிறது.
இந்த விடுமுறையை ஈடு செய்யும் வகையில் 18.11.2023 அன்று பணி நாளாக எடுத்துக்கொள்ளப்படும்" என்று அந்த அறிவிப்பில் தமிழ்நாடு அரசு தெரிவித்துள்ளது.
English Summary
TNGovt Announce Diwali one more day holyday