டிஎன்பிஎஸ்சி தலைவர் நியமனம்.....தேர்வர்கள் மகிழ்ச்சி

டிஎன்பிஎஸ்சி தலைவராக எஸ்.கே.பிரபாகர் ஐ.ஏ.எஸ். நியமனம் செய்யப்பட்டுள்ளார். தமிழ்நாடு அரசின் பல்வேறு துறைகளில் காலியாக உள்ள பணியிடங்களை தமிழ்நாடு அரசு பணியாளர் தேர்வாணையம் மூலம் நிரப்பப்பட்டு வருகிறது. மேலும் தமிழ்நாடு அரசு பணியாளர் தேர்வாணையமானது, காலிப்பணியிடங்களுக்கு ஏற்ப அவ்வபோது உரிய அறிவிப்புகளை வெளியிட்டு தேர்வு நடத்தி, அதன் மூலம் பணியாளர்களை நியமனம் செய்து வருகிறது.

இதற்கிடையே இந்த தேர்வாணையத்தில் போதிய தலைவர்கள் இல்லாததால், போட்டிக்கு தேர்வுக்கு தயாராகும் மாணவர்கள் கடும் அவதியடைந்தனர். இந்நிலையில், தமிழ்நாடு அரசுப் பணியாளர் தேர்வாணையத்தின் புதிய தலைவராக எஸ்.கே.பிரபாகர் ஐஏஎஸ் நியமிக்கப்பட்டுள்ளார்.

இவர் வருவாய் நிர்வாக ஆணையராக பணிபுரிந்து வந்தார். தமிழ்நாடு அரசின் பரிந்துரைக்கு ஆளுநர் ஆர்.என்.ரவி ஒப்புதல் அளித்ததை அடுத்து தமிழக அரசு அரசாணை வெளியிட்டுள்ளது. மேலும் டிஎன்பிஎஸ்சி தலைவராக நியமிக்கப்பட்ட எஸ்.கே.பிரபாகர், பொறுப்பேற்கும் நாளில் இருந்து 6 ஆண்டுகள் அல்லது 62 வயது வரை பதவியில் இருப்பார் என்று அரசாணையில் தெரிவிக்கப்பட்டுள்ளது.