திருச்சி | மணப்பாறை அருகே அரசு பேருந்தும், காரும் நேருக்கு நேர் மோதி கோர விபத்து! விண்ணை முட்டும் மரண ஓலம்!
Trichy Manaparai Bus Car Accident june 2023
மணப்பாறை அருகே அரசு பேருந்தும், காரும் நேருக்கு நேர் மோதிக்கொண்ட விபத்தில் ஐந்து பேர் சம்பவ இடத்திலேயே உயிரிழந்த கோர சம்பவம் நடந்துள்ளது.
திருச்சி : கல்கொத்தனூர் பகுதியில் இந்த விபத்து நடந்து உள்ளதாக முதல் கட்ட தகவல் வெளியாகி உள்ளது. தமிழக அரசு பேருந்து மீது மோதிய வேகத்தில் கார் சாலை ஓரத்தில் இருந்த பள்ளத்தில் விழ, அந்த கார் மீது பேருந்தும் தலை குப்புற கவிழ்ந்து விழுந்து நொறுங்கியதாக விபத்தை பார்த்தவர்கள் தகவல் தெரிவித்துள்ளனர்.
மேலும், விபத்து நடந்த அடுத்த நொடியே பேருந்தில் பயணம் செய்த பயணிகளின் அலறல் சத்தம் விண்ணை முட்டும் அளவுக்கு இருந்தாக விபத்தை நேரில் பார்த்தவர்கள் தகவல் தெரிவிக்கின்றனர்.
மேலும், இந்த விபத்தில் ஐந்து பேர் நிகழ்விடத்திலேயே உயிரிழந்ததாகவும் தகவல் வெளியாகி உள்ளது.
20 க்கும் மேற்பட்டோர் படுகாயங்களுடன் மீட்கப்பட்டு அரசு மருத்துவமனையில் சிகிச்சைக்காக அனுமதிக்கப்பட்டுள்ளர்.
இதற்கிடையே, சென்னை காமராஜர் சாலையில் இருசக்கர வாகனங்கள் நேருக்கு நேர் மோதிய விபத்தில், வட மாநில இளைஞர்கள் இருவர் உயிரிழந்து உள்ள சம்பவம் பெரும் சோகத்தை ஏற்படுத்தி உள்ளது.
English Summary
Trichy Manaparai Bus Car Accident june 2023