தமிழகத்தில் 2 நாட்களுக்கு வெப்பம் வாட்டி வதைக்கும் - வானிலை ஆய்வு மையம் எச்சரிக்கை
Two days temperature will be increase in tamilnadu
தமிழகத்தில் இரண்டு நாட்களுக்கு வெயில் சுட்டெரிக்கும் என்று சென்னை வானிலை ஆய்வு மையம் தெரிவித்துள்ளது.
தமிழகத்தில் கத்திரி வெயில் காரணமாக பல்வேறு இடங்களில் வெப்பநிலை அதிகரித்துள்ளது. மேலும் தமிழகத்தில் நேற்று 12 இடங்களில் 100 டிகிரி தாண்டி வெயில் கொளுத்தியது. இந்நிலையில் இன்றும், நாளையும் தமிழகத்தில் ஒருசில இடங்களில் அதிகபட்ச வெப்பநிலை 38 டிகிரி முதல் 40 டிகிரி செல்சியஸ் அளவில் இருக்கக்கூடும் என்று சென்னை வானிலை ஆய்வு மையம் தெரிவித்துள்ளது.
மேலும் சென்னை மற்றும் புறநகர் பகுதிகள் பொறுத்தவரை அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 38-39 டிகிரி செல்சியஸ் மற்றும் குறைந்தபட்ச வெப்பநிலை 28-29 டிகிரி செல்சியஸை எட்டியே இருக்கும்.
குறிப்பு: அதிக வெப்பநிலை மற்றும் அதிக ஈரப்பதம் இருக்கும் பொழுது வெப்ப அழுத்தம் (Heat Stress) காரணமாக அசௌகரியம் ஏற்படலாம் என்று வானிலை ஆய்வு மையம் தெரிவித்துள்ளது.
English Summary
Two days temperature will be increase in tamilnadu