ஓ.டி.டியில் வெளியானது அஜித்தின் விடாமுயற்சி படம்.!
vidamuyarchi movie release ott
தென்னிந்திய சினிமாவின் பிரபல நடிகர் அஜித் குமார் நடிப்பில் மகிழ் திருமேனி இயக்கத்தில் உருவான 'விடாமுயற்சி' திரைப்படம் மிகப்பெரிய எதிர்பார்ப்பிற்கு மத்தியில் கடந்த 6-ந் தேதி திரையரங்குகளில் வெளியானது.
லைகா நிறுவனம் தயாரிப்பில் அனிருத் இசையில் உருவாகியிருக்கும் இந்தத் திரைப்படத்தில் திரிஷா, அர்ஜுன், ஆரவ் உள்ளிட்டோர் நடித்துள்ளனர். மகிழ் திருமேனி இயக்கத்தில் உருவான இந்தப் படம் ரசிகர்களிடம் நல்ல வரவேற்பை பெற்று வருகிறது.
பெரும் எதிர்பார்ப்புக்கு மத்தியில் வெளியான விடாமுயற்சி படம் முதல் நாளில் மட்டும் ரூ.34 கோடி வசூல் செய்துள்ளது. விமர்சனம் ரீதியாகவும், வசூல் ரீதியாகவும் நல்ல வரவேற்பை பெற்று வரும் இந்தப்படம் உலக அளவில் ரூ.250 கோடிக்கும் அதிகமாக வசூல் செய்துள்ளதாக தகவல் வெளியானது.
இந்த படம் வழக்கமான அஜித்தின் ஆக்ஷன் படமாக இல்லாமல் காணாமல் போன மனைவியைத் தேடும் கணவனைப் பற்றிய படமாக இருந்தது. இந்த நிலையில், விடாமுயற்சி படம் இன்று நெட்பிளிக்ஸ் ஓ.டி.டி தளத்தில் வெளியாகியுள்ளது. திரையரங்குகளில் படத்தை பார்க்க தவறிய ரசிகர்கள் ஓ.டி.டி.யில் காணலாம்.
English Summary
vidamuyarchi movie release ott