முதல்வரை சந்திக்கிறார் விசிக தலைவர் - காரணம் என்ன?
vck leader thirumavalavan meet chief minister mk stalin
சென்னையில் நடைபெற்ற 'எல்லோருக்குமான தலைவர் அம்பேத்கர்' என்ற புத்தகத்தின் வெளியீட்டு விழாவில் த.வெ.க. தலைவர் விஜய், விசிக துணை பொதுச்செயலாளர் ஆதவ் அர்ஜுனா உள்ளிட்டோர் கலந்து கொண்டனர்.
இந்த விழாவில் ஆதவ் அர்ஜுனா பேசியது பெரும் சர்ச்சைகளை ஏற்படுத்தியிருந்தது. இதையடுத்து, ஆதவ் அர்ஜுனா பேசியது தவறுதான். அது அவரது தனிப்பட்ட கருத்து.. கட்சியின் கருத்து அல்ல என்று திருமாவளவன் விளக்கம் கொடுத்திருந்தார்.
இந்த நிலையில் முதலமைச்சர் மு.க.ஸ்டாலினை திருமாவளவன் இன்று நேரில் சந்திக்க இருப்பதாக தகவல் வெளியாகியுள்ளது. அதாவது, இன்று பகல் ஒரு மணிக்கு முதலமைச்சரை அவரது இல்லத்தில் வி.சி.க. தலைவர் திருமாவளவன் சந்திக்கவுள்ளார்.
அப்போது முதல்வரிடம் வி.சி.க. சார்பில் வெள்ள நிவாரண நிதியை அளிக்க உள்ளதாக தகவல் வெளியாகி உள்ளது. ஏற்கனவே வி.சி.க. சார்பில் எம்.எல்.ஏ.க்களின் ஒரு மாத சம்பளமும், எம்.பி.க்களின் இரண்டு மாத சம்பளமும் வெள்ள நிவாரண நிதியாக வழங்கப்படும் என்று அறிவிக்கப்பட்டிருந்தது குறிப்பிடத்தக்கது.
English Summary
vck leader thirumavalavan meet chief minister mk stalin