சுதந்திர தினத்தை முன்னிட்டு சென்னை ரயில் நிலையங்களில் தீவிர கண்காணிப்பு.!

நாட்டின் 75 - வது சுதந்திர தினத்தை முன்னிட்டு சென்னையில் சென்டிரல் ரெயில் நிலையம், எழும்பூர் ரெயில் நிலையம் உள்ளிட்ட முக்கிய ரெயில் நிலையங்களில் மூன்று அடுக்கு பாதுகாப்பு போடப்பட்டுள்ளது .

இதையடுத்து ரெயில்வே போலீசார் மற்றும் ரெயில்வே பாதுகாப்பு படையினர் தொடர்ந்து தீவிர கண்காணிப்பில் ஈடுபட்டு வருகின்றனர்.

அதன் ஒரு பகுதியாக நேற்று மாலை மாம்பலம் ரெயில் நிலையத்தில் இன்ஸ்பெக்டர் பர்சா பிரவீன் தலைமையிலான ரெயில்வே பாதுகாப்பு படையினர் சிறப்பு பாதுகாப்பு சோதனையை நடத்தினர்.

அந்த சோதனையில் போலீசார், 'மெட்டல் டிடெக்டர்' மற்றும் 'டைசன்' என்ற மோப்பநாய் உதவியுடன் ரெயில் பயணிகளின் உடைமைகளை பாதுகாப்பு கருதி சோதனையிட்டனர்.

இதேபோன்று அனைத்து ரெயில் நிலையங்களிலும் போலீஸ் பாதுகாப்பு பலப்படுத்தப்பட்டு , ஆங்காங்கே சோதனைகளும் நடைபெற்று வருகின்றன.