பத்தல பத்தல!!! இப்போது இருக்கும் 55 செயற்கை கோள்கள் போதுமானதாக இல்லை...! - இஸ்ரோ தலைவர் வி. நாராயணன்

இஸ்ரோ தலைவர் வி. நாராயணன்,'எல்லைப் பாதுகாப்பு மற்றும் கடலோர கண்காணிப்பை மேம்படுத்துவதன் ஒரு பகுதியாக, அடுத்த 3 ஆண்டுகளில் முழு நாட்டையும் உள்ளடக்கும் வகையில் இந்தியா மேலும் 100-150 செயற்கைக்கோள்களை நிலைநிறுத்தும்.

இதில் தற்போது, இந்தியா சுமார் 55 செயற்கைக்கோள்களை இயக்குகிறது. பரந்த எல்லையையும் 7,500 கி.மீ கடற்கரையையும் கொண்ட ஒரு நாட்டிற்கு, இது போதுமானதாக இல்லை ' என்று தெரிவித்துள்ளார்.

மேலும் ,விண்வெளித் துறையின் செயலாளரான நாராயணன், இந்தக் காரணங்களால்தான் பிரதமர் நரேந்திர மோடி விண்வெளித் துறையில் சீர்திருத்தங்களை அறிமுகப்படுத்தினார்.

இது ராக்கெட்டுகள் மற்றும் செயற்கைக்கோள்களை உருவாக்குவதில் தனியார் நிறுவனங்களின் பங்கேற்பை அனுமதிக்கிறது என்றும் தெரிவித்தார்.