உள் மாவட்டங்களில் கொட்ட போகும் கன மழை.!! வானிலை மையம் விடுத்த எச்சரிக்கை.!!

தென் தமிழகத்தை புரட்டி போடும் கனமழையின் காரணமாக கன்னியாகுமரி திருநெல்வேலி தென்காசி தூத்துக்குடி ஆகிய நான்கு மாவட்டங்கள் கடுமையாக பாதிக்கப்பட்டுள்ளது. குறிப்பாக திருநெல்வேலி, கன்னியாகுமரி ஆகிய மாவட்டங்களில் அதிக கன மழை கொட்டித்துள்ளது. இதன் காரணமாக அனைத்து நீர் நிலைகளும் நிரம்பி வழிகின்றன. அடுத்த 48 மணி நேரத்திற்கு தென் தமிழகத்தின் பெரும்பாலான மாவட்டங்களில் கன மழை பெய்யும் என சென்னை வானிலை ஆய்வு மையம் எச்சரித்துள்ளது.

இந்த நிலையில் அடுத்த 3 மணி நேரத்திற்கு திண்டுக்கல், மதுரை, தூத்துக்குடி ஆகிய மூன்று மாவட்டங்களில் இடி, மின்னலுடன் கூடிய கனமழை பெய்ய கூடும் என்றும், அதேபோன்று தேனி, நீலகிரி, கோயம்புத்தூர், திருப்பூர், விருதுநகர், திருநெல்வேலி, தென்காசி, கன்னியாகுமரி, ராமநாதபுரம், சிவகங்கை, தஞ்சாவூர், திருவாரூர், நாகப்பட்டினம் மற்றும் காரைக்கால் பகுதிகளில் லேசானது முதல் மிதமான மழை பெய்ய கூடும் இடம் சென்னை வானிலை ஆய்வு மையம் தெரிவித்துள்ளது.