ஈரான் புனித தலத்தில் துப்பாக்கிச் சூடு - 15 பேர் பலி

தெற்கு ஈரானில் உள்ள ஷிராஸ் நகரில் ஷா செராக் புனித தலத்தில் நுழைவாயிலில் வழிபாட்டில் ஈடுபட்டிருந்த பக்தர்கள் மற்றும் ஊழியர்கள் மீது காரில் வந்த ஆயுதமேந்தியவர்கள் கண்மூடித்தனமான துப்பாக்கிச் சூடு நடத்தியுள்ளனர்.

இந்த பயங்கர துப்பாக்கிச் சூடு தாக்குதலில் பெண்கள் குழந்தைகள் உட்பட 15 பேர் உயிரிழந்து உள்ளனர். மேலும் 40க்கும் மேற்பட்டோர் காயம் அடைந்துள்ளனர். இந்த தாக்குதலை நடத்திய மூன்று பேரில் இருவரை கைது செய்துள்ளனர். மேலும் ஒருவரை தீவிரமாக போலீசார் தேடி வருகின்றனர்.

ஈரானில் இதுபோன்ற சம்பவங்கள் அரிதானவை என்றாலும், கடந்த ஏப்ரலில், வடகிழக்கு நகரமான மஷாத்தில் உள்ள நாட்டின் மிகவும் மதிக்கப்படும் ஷியா தளமான இமாம் ரேசா ஆலயத்தில் ஒரு தாக்குதல்காரன் இரண்டு மதகுருக்களை குத்திக் கொன்றது குறிப்பிடத்தக்கது.