உக்ரைன் தலைநகர் கீவ் மீது தொடர்ந்து ஏவுகணை வீசி ரஷ்யா தாக்குதல் - 5 பேர் பலி

உக்ரைன் மற்றும் ரஷ்யாவிற்கு இடையேயான போர் 8 மாதங்களாக தொடர்ந்து நடைபெற்று வரும் நிலையில், உக்ரைன் படைகள் ரஷ்ய கட்டுப்பாட்டிலிருந்து கெர்சன், ஜபோரிஜியா உள்ளிட்ட முக்கிய நகரங்களை மீண்டும் கைப்பற்றியுள்ளன.

மேலும் தொடர்ந்து முன்னேறி வரும் உக்ரைன் படைகள், ரஷ்யா மற்றும் கிரீமியாவை இணைக்கும் முக்கிய பாலத்தின் மீது குண்டுவெடிப்பு தாக்குதல் நிகழ்த்தியது.

இதற்கு பதிலடி கொடுக்கும் விதமாக ரஷ்ய படைகள் உக்ரைன் தலைநகர் கீவ் மற்றும் அந்நகரை சுற்றியுள்ள தெர்னொபில், ஹெம்லின்ஸ்கி, ஜுயொடொமிய்ர், ரொய்வென்யுஸ்கி நகரங்களின் மீதும் அடுத்தடுத்து ஏவுகணை தாக்குதல் நடத்தியுள்ளனர்.

இந்த தாக்குதல் இன்னும் தொடர்ந்து நடைபெற்று வருகிறது. ஒரே நாளில் மட்டும் உக்ரைன் தலைநகர் கிவ் மீது 75 ஏவுகணைகள் வீசப்பட்டதாகவும், இந்த தாக்குதலில் 5 பேர் உயிரிழந்த நிலையில், மேலும் ஏராளமானர் படுகாயம் அடைந்துள்ளதாகவும் உக்ரைன் தரப்பில் தெரிவிக்கப்பட்டுள்ளது.