இனி இந்த நாட்களில் மட்டும் தான் இலங்கை செல்ல முடியும்?
Can you go to Sri Lanka only on these days
இந்தியா-இலங்கை இடையே கடந்த ஆண்டு ஆண்டு அக்டோபர் மாதம் 14-ம் தேதி செரியாபாணி என்ற பயணிகள் கப்பல் இயக்கப்பட்டது. ஆனால், அதே மாதம் 23-ந்தேதியே வடகிழக்கு பருவமழை காரணமாக கப்பல் போக்குவரத்து நிறுத்தப்பட்டது.
தொடர்ந்து கப்பல் போக்குவரத்து எப்போது இயங்கும் என்று பயணிகள் எதிர்பாத்திருந்த நிலையில், நாகப்பட்டினத்தில் இருந்து இலங்கை காங்கேசன் துறைக்கு மீண்டும் 'சிவகங்கை' கப்பல் இயக்க முடிவு செய்யப்பட்டு, ஆகஸ்ட் 16 ஆம் தேதி பயணிகள் கப்பல் போக்குவரத்து தொடங்கப்பட்டது.
காலை 8 மணிக்கு நாகை துறைமுகத்தில் இருந்து புறப்படும் கப்பல் காங்கேசன் துறைக்கு மதியம் 12 மணிக்கும், மறுமார்க்கமாக அதேநாள், மதியம் 2 மணிக்கு காங்கேசன் துறையில் இருந்து புறப்பட்டு மாலை 6 மணிக்கு நாகை துறைமுகத்திற்கு கப்பல் வந்தடையும்.
இந்நிலையில், நாகை - இலங்கை இடையே மீண்டும் தொடங்கப்பட்ட பயணிகள் கப்பல் சேவைக்கு போதிய பயணிகள் வருகை இல்லாததால், செப்டம்பர் 15ம் தேதி வரையில், வாரத்திற்கு செவ்வாய், வியாழன் மற்றும் ஞாயிறு ஆகிய 3 நாட்கள் மட்டும் இயங்கும் என அறிவிக்கப்பட்டுள்ளது.
English Summary
Can you go to Sri Lanka only on these days