அமெரிக்காவில் கடந்தாண்டு ஜூன் மாதம் 5ம் தேதி நாசா விண்வெளி ஆய்வு மையத்தின் சார்பாக, இந்திய வம்சாவளியான சுனிதா வில்லியம்ஸ் மற்றும்  விண்வெளி வீரர் புட்ச் வில்மோரும் விண்வெளியிலுள்ள சர்வதேச விண்வெளி மையத்துக்கு பயணித்தார்கள்.

இதில் 8  நாட்கள் அங்கு தங்கியிருந்து பூமிக்கு திரும்ப திட்டமிடப்பட்டிருந்த நிலையில், அவர்கள் சென்ற ராக்கெட் பழுதடைந்ததால் அந்த முயற்சி தோல்வியடைந்தது.

ஸ்பேஸ்எக்ஸ்:

அதைத் தொடர்ந்து பலமுறை மேற்கொள்ளப்பட்ட முயற்சிகளும் பலனளிக்கவில்லை.இதனால்,  தற்போது 9 மாதங்களை எட்டியுள்ள நிலையில், அவர்களை அழைத்து வருவதற்காக, சில தினங்களுக்கு முன் அமெரிக்க தொழிலதிபர் எலான் மஸ்க்கின், 'ஸ்பேஸ்எக்ஸ்' நிறுவனத்தின் ராக்கெட்டை செலுத்துவதாக இருந்தது.

பால்கன் - 9:

கடைசி நேரத்தில், 'பால்கன் - 9' ராக்கெட்டில் தொழில்நுட்ப கோளாறு ஏற்பட்டதால் திட்டம் ஒத்திவைக்கப்பட்டது.இந்நிலையில் இன்று (மார்ச் 15) புளோரிடாவிலுள்ள விண்வெளி மையத்திலிருந்து, ஸ்பேஸ்எக்ஸ் நிறுவனத்தின் 'பால்கன் - 9' ராக்கெட் விண்ணில் பாய்ந்தது.

இந்திய நேரப்படி இன்று அதிகாலை 4:33 மணிக்கு, ராக்கெட் விண்ணில் பாய்ந்தது. விரைவில், விண்வெளி நிலையத்தில் சிக்கி தவிக்கும், சுனிதா மற்றும் வில்மோரை பூமிக்கு அழைத்து வரப்படுவார்கள் என நாசா தெரிவித்துள்ளது.