உலக நாடுகள் அதிர்ச்சி!லெபனானில் 250 மீட்டர் நீள சுரங்கத்தை தகர்த்தது இஸ்ரேல்!

பாலஸ்தீனமும் லெபனானும் மீதான இஸ்ரேலின் தொடர்ந்து நடத்தும் தாக்குதல்கள் உலக நாடுகளிடையே பெரும் அச்சத்தை ஏற்படுத்தியுள்ளது.

இஸ்ரேலின் படைகள் பாலஸ்தீனத்தில் மேற்கொண்ட தாக்குதல்களில் இதுவரை 41,000க்கும் அதிகமானோர் உயிரிழந்துள்ளனர். மேலும், ஹமாஸ் மற்றும் ஹிஸ்புல்லா அமைப்புகளின் முக்கிய தலைவர்கள், இஸ்மாயில் ஹனியே, புவாத் ஷுகர், மற்றும் நபில் குவாவக் உள்ளிட்ட பலர் இஸ்ரேலின் பதிலடி தாக்குதல்களில் கொல்லப்பட்டனர்.

இஸ்ரேல் தற்பொழுது லெபனானின் தெற்குப் பகுதிகளில் தனது தாக்குதல்களை மேலும் தீவிரப்படுத்தி வருகிறது. இஸ்ரேல் பாதுகாப்புப் படையின் தற்போதைய தகவலின் படி, லெபனானில் ஹிஸ்புல்லா அமைப்பின் பயங்கரவாத சுரங்கம் ஒன்று 250 மீட்டர் அளவில் தகர்க்கப்பட்டதாக அறிவித்துள்ளனர். இந்த சுரங்கம் இஸ்ரேலுக்குள் ரத்வான் படையினரால் மேற்கொள்ளப்படும் படையெடுப்புக்காக பயன்படுத்தப்படும் இடமாகக் கருதப்படுகிறது.

இஸ்ரேலின் இந்த நடவடிக்கைகள், லெபனான் மற்றும் பாலஸ்தீன பகுதிகளில் பெரும் அழிவை ஏற்படுத்தியிருக்கும் நிலையில், சர்வதேச நாடுகள் இஸ்ரேலை தாக்குதலை நிறுத்தும் விதமாக அழுத்தம் கொடுத்து வருகின்றன.