காசாவில் போரை முடிவுக்கு கொண்டுவர இஸ்ரேல் புதிய சூத்திரத்தை முன்வைத்துள்ளதாக அமெரிக்க ஜனாதிபதி ஜோ பிடன் தெரிவித்துள்ளார். வெள்ளை மாளிகையில் அவர் கூறியது , இஸ்ரேல் மூன்று கட்ட புதிய திட்டங்களை கத்தார் மூலம் ஹமாஸிடம் ஒப்படைத்துள்ளதாக பிடன் கூறினார். போரை முடிவுக்குக் கொண்டுவருவதற்கான இந்த வாய்ப்பை தவறவிட வேண்டாம் என்று பிடன் இரு தரப்பையும் வலியுறுத்தினார்.

முதல் கட்டமாக குடியிருப்புகளில் இருந்து இஸ்ரேலிய துருப்புக்கள் வெளியேறுவதும், இரு தரப்பிலும் உள்ள பணயக்கைதிகளை விடுவிப்பதும் அடங்கும். காசாவிற்கு தினமும் 600 டிரக்குகள் உணவு, மருந்து மற்றும் இதர உதவிகள் வழங்கப்படும். காசாவில் தற்காலிக வீடுகளும் நிறுவப்படும். இந்த ஆறு வார காலப்பகுதியில் அமெரிக்கா மற்றும் கத்தாரின் மத்தியஸ்தத்தில் பேச்சுவார்த்தை நடத்தப்படும். இது வெற்றி பெற்றால் அடுத்த கட்ட திட்டங்கள் செயல்படுத்தப்படும். இரண்டாம் கட்டமாக காஸாவிலிருந்து படைகளை முழுமையாக வாபஸ் பெற இஸ்ரேல் முன்மொழிகிறது. பணயக்கைதிகளையும் ஹமாஸ் விடுவிக்கும். மூன்றாம் கட்டம் புனரமைப்புத் திட்டத்தைப் பற்றியதாக இருக்கும் என்றும் பிடன் கூறினார். புதிய திட்டங்கள் அமெரிக்க இராஜதந்திர முயற்சிகளின் விளைவு என்றும் ஜோ பிடன் கூறினார்.

காஸா மீதான போரை இஸ்ரேல் முடிவுக்குக் கொண்டுவந்தால், பணயக்கைதிகள் பரிமாற்றம் உள்ளிட்ட அமைதி ஒப்பந்தத்தை எட்டத் தயாராக இருப்பதாக ஹமாஸ் முன்பு கூறியது. இஸ்ரேலின் காசா தாக்குதலில் 36,000 பாலஸ்தீனியர்கள் கொல்லப்பட்டதாக ஹமாஸ் கட்டுப்பாட்டில் உள்ள சுகாதார அமைச்சகம் அறிவித்துள்ளது.