கைலாஷ் மானசரோவர் யாத்திரை; இந்தியா- சீனா இடையில் நேரடி விமான சேவை மீண்டும் தொடங்க ஒப்புதல்..!

கைலாஷ் மானசரோவர் யாத்திரை மீண்டும் தொடங்குவதற்கு தீர்மானிக்கப்பட்டுள்ளது. அதன்படி , இந்தியா- சீனா இரு நாடுகளுக்கும் இடையில் நேரடி விமான சேவை மீண்டும் தொடங்குவதற்கும் ஒப்புக் கொண்டுள்ளன.

இந்தியா மற்றும் சீனாவுக்கு இடையிலான ராஜாங்க ரீதியிலான உறவு தொடங்கப்பட்டு 75 வருடம் நிறைவடையும் 2025-ஆம் ஆண்டில், இரு நாடுகளும் இதற்கு ஒப்புக் கொண்டுள்ளன.

கைலாஷ் மானசரோவர் யாத்திரை 2020-ஆம் ஆண்டில் இருந்து நிறுத்தப்பட்டுள்ளது.

இந்நிலையில், இந்திய வெளியுறவுத்துறை செயலாளர் விக்ரம் மிஸ்ரி, சீனா வெளியுறவுத்துறை அமைச்சர் வாங் யி ஆகியோர் இடையே நடைபெற்ற பேச்சுவார்த்தையின்போது குறித்த நேரடி விமான சேவையை தொடங்க ஒப்புக்கொள்ளப்பட்டுள்ளமை குறிப்பிடத்தக்கது.