இந்தோனேசியா : காவல்நிலையத்தில் தற்கொலை குண்டுத் தாக்குதல்.! போலீஸ் அதிகாரி பலி.!

இந்தோனேசியாவின் மேற்கு ஜாவா மாகாணத்தில் உள்ள காவல் நிலையத்தில் நடத்தப்பட்ட தற்கொலைக் குண்டுத் தாக்குதலில் அதிகாரி உட்பட 2 பேர் கொல்லப்பட்டனர்.

இந்தோனேசியாவின் மேற்கு ஜாவா மாகாணத்தில் உள்ள பண்டங்க் நகரில் அஸ்தனா அன்யர் என்ற பகுதியில் உள்ள காவல் நிலையத்தின் கட்டிடத்திற்குள் இன்று காலை 8:20 மணியளவில் கத்தியுடன் புகுந்த நபர் சிறிது நேரத்திலேயே தான் உடலில் கட்டியிருந்த வெடிகுண்டை வெடிக்கச் செய்துள்ளார்.

இந்த தற்கொலைப்படை தாக்குதலில் ஒரு போலீஸ் அதிகாரி சம்பவ இடத்திலேயே உயிரிழந்தார். மேலும், 6 போலீசார் உள்பட 7 பேர் படுகாயமடைந்தனர். மேலும் தற்கொலைப்படை தாக்குதல் நடத்திய நபரும் உடல் சிதறி உயிரிழந்தார்.

இதையடுத்து போலீசார் இந்த தற்கொலைப்படை தாக்குதல் தொடர்பாக தீவிர விசாரணை நடத்தி வருகின்றனர். மேலும் இந்த தற்கொலை படை தாக்குதலுக்கு எந்த பயங்கரவாத அமைப்பு இதுவரை பொறுப்பேற்கவில்லை.