ரஷ்யா, மாஸ்கோப் புறநகர் பகுதியான பாலாஷிகா நகரில் உள்ள ஒரு தங்கும் விடுதியில் வெளிநாடுகளைச் சேர்ந்த தொழிலாளர்கள் பலர் தங்கி இருந்தனர். அந்த விடுதியில் நேற்று இரவு திடீரென தீப்பிடித்து எறிய தொடங்கியது. 

தீ வேகமாக கட்டிடத்தின் மற்ற பகுதிகளுக்கும் பரவியதால் அந்த பகுதி முழுவதும் கரும்புகை மண்டலமாக காட்சியளித்தது. கட்டிடத்தில் தீப்பிடித்ததால் மாடியில் இருந்தவர்கள் உயிர் பயத்தில் ஜன்னல் வழியாக குதித்ததில் பலர் படுகாயம் அடைந்தனர். 

இது குறித்து தகவல் அறிந்த தீயணைப்பு படை வீரர்கள் சம்பவ இடத்திற்கு விரைந்து சென்று தீயை சில மணி நேரம் போராடி கட்டுக்குள் கொண்டு வந்தனர். மறுபுறம் விடுதியில் சிக்கிக்கொண்டிருந்தவர்களை மீட்கும் பனி தீவிரமாக நடைபெற்றது. 

இருப்பினும் இந்த சம்பவத்தில் 5 பேர் பரிதாபமாக உடல் கருகி உயிரிழந்துவிட்டனர். சிலர் காயமடைந்த நிலையில் மீட்க பட்டு மருத்துவமனையில் சிகிச்சை பெற்று வருகின்றனர்.

 இது குறித்து போலீசார் வழக்கு பதிவு செய்து விசாரணை நடத்தியதில், மின்கசிவு காரணமாக தீ விபத்து ஏற்பட்டிருக்கலாம் என முதற்கட்ட விசாரணையில் தெரியவந்துள்ளது. தங்கும் விடுதியில் திடீரென தீ விபத்து ஏற்பட்டு 5 வெளிநாட்டு தொழிலாளர்கள் உயிரிழந்த சம்பவம் பெரும் சோகத்தை ஏற்படுத்தியுள்ளது.