வாஷிங்டன்: அமெரிக்க அதிபர் தேர்தல் நவம்பர் 5-ம் தேதி (இந்திய நேரப்படி நவ. 6) நடைபெற உள்ளது. இம்முறை ஜனநாயக கட்சியின் வேட்பாளராக கமலா ஹாரிஸ், குடியரசு கட்சியின் வேட்பாளராக டொனால்டு ட்ரம்ப் ஆகியோர் கடும் போட்டியில் ஈடுபட்டுள்ளனர். 

கமலா ஹாரிஸ் மற்றும் டொனால்டு ட்ரம்ப் இருவரும் இறுதிக்கட்ட பிரச்சாரத்தில் தீவிரமாக ஈடுபட்டு வருகின்றனர். விஸ்கொன்சின் மாநிலத்தின் மில்வாகி நகரில் கமலா ஹாரிஸ் நேற்று நடைபெற்ற கூட்டத்தில் பேசுகையில், மக்களுக்கான சுகாதார திட்டங்கள், சிறு தொழில் வளர்ச்சி, நடுத்தர வர்க்க மக்களின் முன்னேற்றம் குறித்து வாக்குறுதிகள் அளிப்பதாக தெரிவித்தார்.

அதேவேளை, டிரம்ப், டிட்ராயிட் நகரில் பிரச்சார கூட்டத்தில், கமலா ஹாரிஸ் மார்க்சிஸ்ட் சிந்தனை கொண்டவர் என குற்றம்சாட்டினார். அவர் அதிபராக இருப்பின் அமெரிக்கர்களின் வேலைவாய்ப்பை பாதுகாக்கப் போராடுவேன் என்றும், உக்ரைன் போரை முடிவுக்கு கொண்டு வந்து, 3-ம் உலகப் போரை தடுக்க நடவடிக்கை எடுப்பேன் என உறுதியளித்தார்.

கருத்துக் கணிப்புகள்:தற்போதைய தேர்தலில், தேசிய அளவிலும் மாகாண அளவிலும் பல்வேறு கருத்துக் கணிப்புகள் வெளியாகி வருகின்றன. சில கணிப்புகள் கமலாவுக்கும், மற்ற சில ட்ரம்புக்கும் ஆதரவாக இருப்பதால், இருவருக்கும் இடையிலான வாக்கு சதவீதம் ஒரே சதவீதம் இடைவெளியில் உள்ளதாக கூறப்படுகிறது. 

தேர்தல் நடைமுறை: அமெரிக்க அதிபர் தேர்தலில் மக்கள் நேரடியாகவே வாக்களிக்காமல், ‘எலக்டோரல் காலேஜ்’ உறுப்பினர்களை தேர்ந்தெடுக்கிறார்கள். மொத்தமாக 538 வாக்காளர் குழு உறுப்பினர்கள் இருப்பதால், வெற்றி பெறுவதற்கு குறைந்தது 270 வாக்குகளைப் பெற வேண்டும். 

தேர்தல் முடிவுகள்: நாளை மறுநாள் வாக்குப்பதிவு நிறைவடைந்தவுடன், அந்த இரவு 50 மாகாணங்களிலும் வாக்குகள் எண்ணப்படவுள்ளன. பெரும்பாலும் அன்றிரவே யார் வெற்றி பெற்றிருப்பார் எனத் தெரியவரும். இருப்பினும், கடுமையான போட்டி நிலவுவதால், இம்முறையும் முடிவுகள் இழுபறியாக வாய்ப்புள்ளதாகக் கூறப்படுகிறது. 

இந்த கடுமையான போட்டியில், அமெரிக்காவின் அடுத்த அதிபராக யார் தேர்வாக இருப்பார் என்பதில் உலகம் உற்சாகமாகக் காத்திருக்கிறது.