மின்சார வாகனங்களுக்கான சந்தை இந்தியாவில் வேகமாக விரிவடைந்து வருகிறது. குறைந்த விலையில் செயல்திறனும், நவீன அம்சங்களும் கொண்ட மின்சார ஸ்கூட்டர்களுக்கான தேவை மிக அதிகரித்துள்ளது. இதனை உணர்ந்த பஜாஜ், டிவிஎஸ், ஓலா போன்ற முன்னணி நிறுவனங்கள் தங்களது புதிய மாடல்களை வெளியிட்டு மின்னும் போட்டியில் இறங்கியுள்ளன.

₹1 லட்சத்திற்குள் பல திறமையான மின்சார ஸ்கூட்டர்கள் தற்போது கிடைக்கின்றன. இதனால், மின்சார வாகனங்களுக்கு ஆர்வம் கொண்ட பலரும் தங்கள் முதல் மின்சார ஸ்கூட்டரை வாங்க திட்டமிடத் தொடங்கியுள்ளனர்.

டிவிஎஸ் iQube:
2.2kWh பேட்டரியுடன் வரும் இந்த மாடல், ₹89,999 (எக்ஸ்-ஷோரூம்) விலையில் கிடைக்கிறது. ஒரு முழு சார்ஜில் 75 கிலோமீட்டர் வரை பயணிக்க முடியும். பேட்டரியை 0% முதல் 80% வரை சார்ஜ் செய்ய 2 மணி நேரம் 45 நிமிடங்கள் தேவைப்படுகிறது. இது டைட்டானியம் கிரே, முத்து வெள்ளை மற்றும் வால்நட் பிரவுன் ஆகிய மூன்று வண்ண விருப்பங்களில் வழங்கப்படுகிறது.

பஜாஜ் சேடக் 2903:
2.9kWh பேட்டரியுடன் வரும் இந்த மாடல், ₹98,498 (எக்ஸ்-ஷோரூம்) ஆரம்ப விலையில் கிடைக்கிறது. 123 கிலோமீட்டர் வரை ஒரே சார்ஜில் பயணிக்க முடியும். ஹில் ஹோல்ட், ஸ்மார்ட்போன் இணைப்பு, தொடர்ச்சியான பிளிங்கர்கள் உள்ளிட்ட பல நவீன அம்சங்களுடன் இந்த ஸ்கூட்டர் வருகிறது.

ஓலா S1 X:
ஓலா நிறுவனம் S1 X மாடலை மூன்று வேறுபாடுகளில் அறிமுகப்படுத்தியுள்ளது:

• S1 X 2kWh – ₹64,999 – 95 கிமீ வரம்பு

• S1 X 3kWh – ₹81,999 – 151 கிமீ வரம்பு

• S1 X 4kWh – ₹97,499 – 193 கிமீ வரம்பு

வாடிக்கையாளர்களின் தேவைகளுக்கு ஏற்ப விருப்பம் தேர்வு செய்ய வசதியாக இந்த மாடல்கள் வடிவமைக்கப்பட்டுள்ளன.

ஓலா ரோட்ஸ்டர் X:
மின்சார மோட்டார் சைக்கிள் ஸ்டைலில் உருவாக்கப்பட்டுள்ள ஓலா ரோட்ஸ்டர் X ₹84,999 (2.5kWh பேட்டரி) விலையில் கிடைக்கிறது. ஒரு சார்ஜில் 140 கிலோமீட்டர் வரை பயணிக்க முடியும். அதிகமான வரம்பை விரும்புபவர்கள் ₹94,999க்கு (3.5kWh பேட்டரி) 196 கிமீ வரம்புடன் வாங்க முடியும். வாடிக்கையாளர் விநியோகம் மே 2025ல் தொடங்கும் என எதிர்பார்க்கப்படுகிறது.

ஹோண்டா QC1:
1.5kWh பேட்டரி மற்றும் 1.8kW மோட்டாருடன் கூடிய ஹோண்டா QC1 மின்சார ஸ்கூட்டர் ₹90,000 (எக்ஸ்-ஷோரூம்) விலையில் கிடைக்கிறது. ஒரு சார்ஜில் 80 கிலோமீட்டர் வரை பயணிக்க முடியும். அதிகபட்ச வேகம் 50 கிமீ ஆகும்.

மலிவு விலைகளில், சிறந்த செயல்திறன் மற்றும் நவீன அம்சங்களுடன் வருகிற இந்த மாடல்கள், இந்தியாவின் மின்சார வாகனப் பரவலை மேலும் ஊக்குவிக்கப் போவதாக நிபுணர்கள் கணிக்கின்றனர். எதிர்காலத்தில் இன்னும் பல புதிய மாடல்களை சந்தையில் காண முடியும் என எதிர்பார்க்கப்படுகிறது.