தனுஷ் தனது ஐம்பதாவது திரைப்படமான 'ராயன்' படத்தை இயக்கி நடித்துள்ளார். சன் பிக்சர்ஸ் நிறுவனம் தயாரித்துள்ள இந்த படத்தில், எஸ்.ஜே.சூர்யா, செல்வராகவன், பிரகாஷ் ராஜ், சந்தீப் கிஷான், துஷாரா விஜயன், அபர்ணா பாலமுரளி, வரலட்சுமி சரத்குமார் உள்ளிட்ட பலர் நடித்துள்ளனர்.

ஏ.ஆர்.ரகுமான் இசையமைத்துள்ள இந்தப் படத்தின் பாடல்கள் சில வாரங்களுக்கு முன்பு வெளியாகி மக்களிடம் நல்ல வரவேற்பை பெற்று வருகிறது. அதிலும் குறிப்பாக ராயன் படத்தின் அடங்காத அசுரன் என்ற பாடல் மிகப் பெரிய வைரல் பாடலாக மாறியுள்ளது.

இந்தப் படம் வெளியாகி மூன்று நாட்களில் 70 கோடி ரூபாய் வசூல் செய்துள்ளது என்பது குறிப்பிடத்தக்கது. இந்த நிலையில் படத்தை பார்த்த தெலுங்கு சூப்பர் ஸ்டார் மகேஷ் பாபு அவரது எக்ஸ் தளத்தில் படக்குழுவினரை பாராட்டி பதிவு ஒன்றை பதிவிட்டுள்ளார். அதாவது, "ராயன் படத்தில் தனுஷ் மிக சிறப்பான நடிப்பை வெளிப்படுத்தி இருக்கிறார். மிகவும் புத்திசாலித்தனமாக படத்தை இயக்கியுள்ளார். 

படத்தில் நடித்த எஸ்.ஜே சூர்யா, பிரகாஷ் ராஜ், சந்தீப் கிஷன் மற்றும் படத்தில் நடித்த அனைவரும் மிகச் சிறப்பான நடிப்பை வெளிப்படுத்தியுள்ளனர். ஏ.ஆர் ரகுமான் பின்னணி இசை மிகவும் அழகாக இருந்தது. படக்குழு அனைவருக்கும் வாழ்த்துக்கள் என்று பதிவிட்டுள்ளார்.