சோகத்தில் திரையுலகம் - பழம்பெரும் நடிகர் மனோஜ் குமார் காலமானார்.!!
actor manojkumar passed away
திரையுலகில் நடிகர், இயக்குனர், தயாரிப்பாளர், எழுத்தாளர் உள்ளிட்ட பன்முகங்களை கொண்டவர் மனோஜ் குமார். இவர் தேசபற்றுமிக்க படங்களில் அதிகமாக நடித்திருப்பதால் 'பாரத் குமார்' என்று ரசிகர்களால் அழைக்கப்படுகிறார்.
இவருடைய 'புரப் அவுர் பஸ்சிம்' என்ற திரைப்படம் இந்தியா மட்டுமின்றி வெளிநாடுகளிலும் மிகப்பெரிய வெற்றியைப் பெற்றது. மேலும், யாத்கார், பெஹ்சான், மேரா நாம் ஜோக்கர் உள்ளிட்டவைகள் மனோஜின் சிறந்த படங்களாகும்.
இவர் கடந்த 1992-ல் பத்மஸ்ரீ விருதையும், 2015-ல் இந்திய சினிமா துறையில் மிக உயர்ந்த விருதான தாதாசாகேப் பால்கே விருதையும் பெற்றார். இதற்கிடையே, நடிகர் மனோஜ் குமார் உடல்நல குறைவு காரணமாக கடந்த பிப்ரவரி 21-ம் தேதி மும்பையில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டார்.
அங்கு அவர் தீவிர சிகிச்சை பெற்றுவந்த நிலையில், இன்று அதிகாலை 4.03 மணியளவில் சிகிச்சை பலனின்றி பரிதாபமாக உயிரிழந்தார். இவரது மறைவு திரையுலகத்திற்கு பெரும் சோகத்தை ஏற்படுத்தியுள்ளது.
English Summary
actor manojkumar passed away