Pushpa 2 படத்தின் மெகா ஹிட்டுக்குப் பிறகு, அல்லு அர்ஜுன் அடுத்ததாக எந்தப் படத்தில் நடிக்கப் போகிறார் என்பதற்கான எதிர்பார்ப்பு ரசிகர்களிடையே மிக அதிகம். சமீபத்தில் வெளியான தகவலின்படி, டையரக்டர் அட்லீ அவருடைய அடுத்த பான் இந்தியா படத்துக்காக அல்லு அர்ஜுனை ஹீரோவாக நடிக்க வைத்திருக்கிறார்.

2024-ல் வெளியான Pushpa 2 படம் இந்தியாவிலேயே மட்டும் அல்லாமல், சர்வதேச அளவிலும் மாபெரும் வரவேற்பைப் பெற்றது. 500 கோடி ரூபாய் பட்ஜெட்டில் உருவாகி, ₹1800 கோடி வசூல் செய்தது. இதன் பிளாக்பஸ்டர் ஹிட்டை தொடர்ந்து, Pushpa 3 பற்றிய பேச்சுக்களும் வலுப்பெற்றுள்ளன. சிறிது இடைவெளிக்குப் பிறகு, அல்லு அர்ஜுன் Pushpa 3 ஷூட்டிங்கில் இணைவார் என்று தகவல்.

அட்லீ – அல்லு அர்ஜுன் கூட்டணியில் உருவாகும் புதிய படத்தில் ஒரு ஹீரோயின் இல்லை, இரண்டு ஹீரோயின்களுமில்லை – மொத்தம் 5 ஹீரோயின்கள் நடிக்க உள்ளனர்!  இதற்காக, பாலிவுட் நடிகை ஜான்வி கபூர், மேலும் ஒரு இந்திய நடிகை மற்றும் அமெரிக்கா, கொரியா ஆகிய நாடுகளிலிருந்து மூன்று சர்வதேச நடிகைகள் ஒப்பந்தமாகியிருக்கிறார்கள். இது பெரிய அளவிலான காண்ஸெப்ட் அடிப்படையிலான படமாக இருக்கும் என எதிர்பார்க்கப்படுகிறது.

இந்தப் படம் மறுபிறவி (Reincarnation) கான்செப்ட் அடிப்படையில் உருவாக வாய்ப்பு உள்ளது. அதுவும் அல்லு அர்ஜுன் ரெண்டு வெவ்வேறு வேடங்களில் நடிக்க உள்ளதாக தகவல்கள் வெளிவந்துள்ளன. இப்படம் பற்றிய அதிகாரப்பூர்வ அறிவிப்பு எப்போது வரும் என்பதற்கான எதிர்பார்ப்பு ரசிகர்கள் மத்தியில் உயர்ந்துள்ளது.

அட்லீ, தமிழ் திரையுலகில் ராஜா ராணி, தெறி, மெர்சல், பிகில் போன்ற சூப்பர் ஹிட் படங்களை இயக்கியவர். பாலிவுட்டில், ஷாருக்கானை வைத்து இயக்கிய ‘ஜவான்’ படம் ₹1000 கோடிக்கு மேல் வசூல் செய்து, அவரை இந்தியா முழுவதும் பிரபலமான இயக்குநராக மாற்றியது. இப்போது, அவர் அல்லு அர்ஜுனை இணைத்து மிகப்பெரிய பான் இந்தியா படம் ஒன்றை இயக்க தயாராக உள்ளார்.

Pushpa 2-வின் வெற்றிக்கு பின், அல்லு அர்ஜுன் – அட்லீ கூட்டணி இந்திய சினிமாவில் மிகப்பெரிய ஆட்டத்தை நடத்தும் என்பதில் சந்தேகமே இல்லை. பிரம்மாண்டமான கதைக்களம், 5 ஹீரோயின்கள், சர்வதேச நட்சத்திரங்கள் என மாஸ் லெவலில் இருக்கும் இப்படம் பற்றிய அதிகாரப்பூர்வ அறிவிப்பிற்காக ரசிகர்கள் ஆவலுடன் காத்திருக்கின்றனர்! 🚀🎬