அப்டேட்! அப்டேட்! அப்டேட்! - சிம்புவின் எக்ஸ் தள பதிவால் அதிர்ச்சியான ரசிகர்கள்.!
actor simbu x post viral
தென்னிந்திய நடிகர்களில் ஒருவரான சிம்புவிற்கு 'மாநாடு, வெந்து தணிந்தது காடு, பத்து தல' உள்ளிட்ட மூன்று படங்களும் மிகப்பெரிய வெற்றியைத் தந்தன. இதையடுத்து நடிகர் சிம்பு இயக்குனர் மணிரத்னம் - கமல்ஹாசன் கூட்டணியில் உருவாகியுள்ள 'தக் லைப்' படத்தில் முக்கிய கதாபாத்திரத்தில் நடித்துள்ளார்.
இந்தப் படம் விரைவில் வெளியாக உள்ளது. இந்தப் படத்தைத் தொடர்ந்து சிம்பு இயக்குனர் அஸ்வத் மாரிமுத்து இயக்கத்திலும், தேசிங்கு ராஜா இயக்கத்திலும் நடிக்க உள்ளார். இந்த படங்கள் தொடர்பான அறிவிப்புகள் ஏற்கனவே வெளியாகி விட்டன.
மேலும், அவர் பார்க்கிங் பட இயக்குனர் ராம்குமார் பாலகிருஷ்ணன் இயக்கத்தில் மற்றொரு படத்தில் நடிக்க உள்ளதாக தகவல் வெளியாகியுள்ளது. இந்த நிலையில் நடிகர் சிம்பு தனது எக்ஸ் தள பக்கத்தில் "அப்டேட்! அப்டேட்! அப்டேட்!" என்று பதிவிட்டுள்ளார்.
தொடர்ந்து தனது அடுத்த மூன்று படங்களின் அப்டேட்டுகள் அவரது பிறந்தநாளான பிப்ரவரி 3-ந் தேதி வெளியாகும் என்ற மற்றொரு பதிவையும் வெளியிட்டுள்ளார். இந்த பதிவுகள் தற்போது இணையத்தில் வைரலாகி வருகின்றன.