தமிழ் சினிமாவில் பிரபல நடிகராக இருப்பவர் தல அஜித். இவருடைய நடிப்பில் கடைசியாக வெளியான நேர்கொண்ட பார்வை திரைப்படம் நல்ல வரவேற்பை பெற்றது. இந்த படத்தை இயக்குனர் ஹச்.வினோத் இயக்கியிருந்தார்.

தற்போது தல அஜித் மீண்டும் இயக்குனர் ஹெச்.வினோத் இயக்கத்தில் வலிமை படத்தில் நடித்துள்ளார். இந்த படத்தை பாலிவுட் தயாரிப்பாளர் போனி கபூர் தயாரித்துள்ளார். மேலும், இந்த படத்திற்கு யுவன் ஷங்கர் ராஜா இசையமைத்துள்ளார்.

சமீபத்தில், இந்த படத்தின் ஃபர்ஸ்ட் லுக், மோஷன் போஸ்டர் வீடியோ, ஃபர்ஸ்ட் சிங்கிள், சண்டைக் காட்சி மேக்கிங் வீடியோ மற்றும் டிரெய்லர் வெளியாகி ரசிகர்களிடையே நல்ல வரவேற்பை பெற்றுள்ளது. மேலும், இந்த திரைப்படம் வரும் பிப்ரவரி 24ஆம் தேதி திரையரங்குகளில் வெளியாகவுள்ளது.

இதனைத் தொடர்ந்து, விரைவாக Ak 61 படத்தின் பணிகள் துவங்க இருப்பதாகவும் அந்த படத்தை 2022 தீபாவளிக்கு ரிலீஸ் செய்ய படக்குழு திட்டமிட்டு இருப்பதாகவும் கூறப்படுகிறது. இந்த படத்தில் நடிகர் அஜித்துக்கு ஜோடியாக நடிகை தபு நடிக்க இருப்பதாக கூறப்படுகிறது.

இதில் நடிகர் பிரகாஷ்ராஜ் முக்கிய வேடத்தில் நடிக்க இருப்பதாக கூறப்படுகிறது. தற்போது நடிகர் அஜித்குமாரின்‌ #AK61க்கான லேட்டஸ்ட் லுக் சமூக வலைதளங்களில் வைரலாகி வருகின்றது. இதனை போனி கபூர் தனது டுவிட்டர் பக்கத்தில் வெளியிட்டுள்ளார்.